4 причини зошто не треба (ниту) да седнувате со нечиста облека на креветот каде што спиете

„Немој да седнуваш со нечисти алишта на прекривката од креветот“, „Гостите нема потреба да влегуваат во спалната соба“ – Зошто овие правила некои луѓе упорно ги следат?

Кога некој ќе ве замоли да не седнувате со нечисти алишта на креветот каде што тој спие, не треба да се навредувате.

Подобро е да го следите нивниот пример и вие самите да почнете да избегнувате да седнувате на креветот каде што спиете додека ја носите облеката со којашто сте биле надвор.

Во просек дневно спиете од 6 до 8 часа, а тоа значи дека најголемиот дел од времето додека сте дома го поминувате токму во креветот и затоа многу е важно тој да биде чист.

Причини зошто не треба да седнувате на постелнината, со облеката што сте ја носеле надвор:

Бактериите живеат со месеци на вашата облека

Со оглед на тоа што некои бактерии може да преживеат и по неколку недели или месеци на вашата облека, а може да се случи и новата облека што сте ја купиле на себе да има бактерии, воопшто не е добра идеја да седнете на креветот каде што спиете со истата облека што сте ја носеле на себе 12 часа во денот.

Ова правило треба да се однесува и на вашите гости - не им дозволувајте да седат со нечисти алишта на прекривката од креветот.

Со нечистата облека пренесувате акни

Една од главните причини поради која некои луѓе добиваат акни во пределот на грбот и на градите е нечистата облека.

Иако облеката што сте ја носеле цел ден навидум ви изгледа чисто, таа веќе го примила правот од вашето работно место или од улица, а се измешала и со мртвите клетки од кожата (во основа човечкото тело дневно исфрла околу половина милион мртви клетки и околу еден литар пот).

Така, седнувајќи со истата облека, целата таа нечистотија ја пренесувате и во креветот каде што спиете.

Облеката што ја носите надвор, поминала секаде

Застанете и размислете: Каде сè сте биле во текот на денот и што сè сте допреле со облеката – седишта во јавен превоз, столчиња во канцеларија, ѕидови во лифт, клупи во парк...

Потоа размислете и колку други луѓе поминале на истите места или седеле на истите столчиња.

По ова сигурно двапати ќе размислите дали сакате со истата облека да седнете на чистиот кревет.

Бонус правило – Креветот треба да биде место за одмор, а не за работа

Треба да се чувствувате удобно во креветот. Тоа е вашето место каде што одмарате и собирате сила за следниот напорен ден.

Затоа, ако имате гости подобро е да седнете во кујната или на столчиња, а никако на креветот во спалната соба.

Исто така, не се препорачува ниту да работите додека сте во кревет за мозокот да почне да го асоцира тоа место во вашиот дом со одмор и релаксација што понатаму ќе ви помогне за здрав и непречен сон.

Б. С. Б. | Црнобело/ фото: Pexels