3 изненадувачки лоши работи кои можат да ви се случат ако јадете премногу јаткасти плодови

Знаеме дека јаткастите плодови се доста здрави и посебно се поврзуваат со здравјето на срцето, намалувањето на ризикот од Алцхајмерова болест и борбата против ракот, но во колкава мера можеме да ги консумираме?

Колку и да се здрави, од јаткастите плодови можеме да станеме зависни, а и поголемиот дел од нас не се придржуваат до препорачаната дневна количина од само една дланка на ден.

Тоа се отприлика 24 бадеми, 18 индиски ореви, 14 ореви или 8 бразилски ореви.

Проблемот со поголемата количина е што може негативно да влијаат на нашето здравје.

Еве како:

1. Брзо ќе добиете на тежина

Бројни истражувања потврдуваат дека јаткастите плодови помагаат во губењето на тежината, но постои предупредување кое е поврзано со консумацијата на истите.

Јаткастите плодови помагаат во губењето на килограмите, но само ако се консумираат во препорачаната дневна количина. Ако јадете поголема количина од препорачаната, тогаш имаат спротивен ефект.

Јаткастите плодови се прилично калорични.

2. Проблеми со варењето на храната

Ако се чувствувате „подуено“ после грицкањето на јаткастите плодви, не сте единствени. Подуеноста е вообичаена појава како резултат на компонентите кои се нарекуваат фитати и танини кои го отежнуваат варењето на храната во желудникот.

Ова се случува природно како одбранбен механизам на растенијата. Ако некое животно ги консумира, тешко поминуваат низ системот за варење на храна на животното за кога ќе излезат од системот, повторно да можат да нараснат. За жал, истото се случува и кај луѓето.

За да не се случува тоа, важно е да ја јадете пропишаната количина.

3. Опаѓање на косата, кршливи нокти, лош здив, болни мускули и зглобови

Сите овие работи се симптоми на труење со селен – ретка, но сериозна состојба која може да се појави како резултат на консумирање на големи количини на јаткасти плодови.

Еден оброк од овие плодови има 10 пати повеќе од препорачаната доза на селен која изнесува 55 микрограми.

Јаткастите плодови се толку богати со селен, што некои нутриционисти препорачуваат да се консумираат само 4 плодови на ден и тоа не секој ден.