20 совети како да се храните поздраво

Постојано слушаме за тоа колку е важна здравата исхрана, но дали воопшто знаете како изгледа здравата исхрана? Колку вашите ставови се точни? Постојат неколку работи кои можат да ви послужат како добар пример, ако сакате да се храните здраво.

Мајкл Полан е американски писател, активист и автор на книгата за исхрана и нутриционизам.

Познат е по изреката: „Јадете храна. Не премногу. Во главно билки.“ Смета дека денешната прехрамбена индустрија и современиот начин на живеење го имаат уништено социјалното и општественото значење на поимот оброк, посебно на она што значи здрав оброк.

Ако сакате да го промените начинот на исхрана на своето семејство и да го подобрите здравјето на своите деца, веројатно се прашувате како изгледа здравата исхрана.

Издвојуваме 20 совети кои можат да ви бидат добар знак дека се храните здраво:

1. Слушајте го сопствениот инстинкт

Поголемиот дел од она што го знаеме, или барем некогаш ни било познато околу тоа што значи да се исхранувате здраво, значително е променето и не е во согласност со денешните реклами и совети за тоа како изгледа еден здрав оброк. Искористете ја мудроста на постарите и водете се по нивните препораки.

2. Не верувајте им премногу на научните истражувања

Поголемиот дел од нутриционистичките совети кои сме ги добиле во последно време всушност нè прават помалку здрави и неизмерно подебели.

3. Избегнувајте ги етикетите

Многу е поедноставно да залепите некаква медицинска етикета на кутиите со слатки овесни снегулки отколку на живиот компир или морков.

4. Купувајте на пазар

Храната која се наоѓа на полиците на супермаркетите направена е подолго да трае преку отстранување на поголемиот дел од хранливите состојки, па добро е почесто да одите на пазар.

5. Јадете вистинска храна

„Обичната“ онаа вистинската храна сè уште постои и тоа е она што би требало да го јадете.

6. Ако имате нормална или прекумерна тежина, не значи дека не патите од неисхранетост или недостаток на железо во крвта

Исхраната се основа повеќе на квантитетот отколку на квалитетот, па прави да бидете истовремено – прејадени и неисхранети.

7. Не барајте решение во аптеките

Улогата на медицината е да ги одржува оние кои живеат лошо како резултат на лошата исхрана.

8. Избегнувајте го западниот начин на исхрана

Човековиот организам e изграден и приспособен да се избори со неверојатен дијапазон на храна, но истото се чини дека не важи и за западниот начин на исхранување.

9. Не јадете ништо што вашата прабаба не би го препознала како храна

За да бидете безбедни, треба да се вратите неколку генерации наназад, во времето кога денешната храна воопшто не постоела.

10. Избегнувајте неколку видови на прехрамбени производи

Избегнувајте ги производите кои содржат состојки кои ви се непознати, тешки ви се за изговарање, кога имаат пченкарен сируп или повеќе од 5 состојки.

Уште 10 совети на следната страна...