Болести кои ги пренесуваат комарците - колку се опасни и кои симптоми не треба да ги игнорирате?

Тигрестиот комарец го има и во Македонија, а пренесува повеќе од 20 видови болести. Некои од болестите што ги пренесуваат комарците може да предизвикаат оштетување на органите, па дури и смрт.

Болестите кои ги пренесуваат комарците се сезонски по природа бидејќи зависат од животниот циклус на комарецот, односно од пролет до есен.

Три видови на комарци кои пренесуваат заразни болести се: Aedes, Culex и Anopheles.

Инвазивните комарци во Европа припаѓаат на родот Aedes, а еден од најинвазивните видови е азискиот тигрест комарец (Aedes albopictus), комарецот кој пренесува жолта треска (Aedes aegypti) и Aedes japonicus.

Поради климатските промени и подобрените транспортни врски, тигрестиот комарец кој пренесува над 22 видови болести е широко распространет на сите континенти, вклучително и во Македонија.

Во продолжение дел од болестите кои ги пренесуваат комарците: 

Маларија

Маларијата ја има во околу 90 земји, најмногу во Централна и Јужна Америка, Африка, Југоисточна Азија и Блискиот Исток. 

Периодот на инкубација, односно времето од инфицирањето до појавата на симптомите на болеста, трае од 10 дена до 4 недели.

Симптоми на маларија се:

• треска проследена со треска и морници;
• главоболка;
• болка во мускулите;
• замор;
• гадење;
• повраќање;
• дијареа;
• анемија;
• жолтица (пожолтување на кожата и белките на очите).

Најтешкиот облик на маларија е предизвикан од паразитот Plasmodium falciparum кој, доколку не се лекува навреме, може да предизвика откажување на бубрезите, епилептични напади, губење на свеста и смрт. 

Маларијата може да се излечи, а видот на терапијата и времетраењето на третманот зависат од формата и тежината на болеста и возраста на пациентот. 

Истата може да се спречи со земање антималарични лекови пред да патувате во области каде што е присутна болеста. 

Денга треска

Денга треската главно се пренесува преку комарци од родот Aedes aegypti и Aedes albopictus (тигрест комарец). Годишно од 100 до 400 милиони луѓе се заразуваат, според експертите на СЗО. 

Симптомите на денга треската обично започнуваат 4 до 10 дена по инфекцијата и траат 2 до 7 дена.

Симптоми на денга треска се:

• висока температура која достигнува до 40°C;
• главоболка;
• болки во мускулите и зглобовите;
• гадење;
• повраќање;
• отекување на лимфните жлезди;
• осип сличен на сипаници.

Луѓето кои се инфицираат по вторпат се изложени на поголем ризик од тешка денга треска, а на заразените им е потребна болничка нега. 

Симптомите на тешка денга треска може да вклучуваат:

• силна абдоминална болка;
• непрекинато повраќање;
• брзо дишење;
• крварење на непцата или носот;
• замор;
• немири;
• крв при повраќање или во столицата;
• зголемена жед;
• бледа и ладна кожа;
• чувство на слабост.

Западнонилска треска

Западнонилската треска е болест која се шири од животните на луѓето, а комарците се тие што го пренесуваат вирусот од животните на луѓето.  

Западнонилската треска првпат е регистрирана во 1937 година во областа на Уганда на западниот брег на реката Нил, а оттогаш се има појавено во многу земји во: Африка, Европа, Азија и Америка. 

70 до 80 проценти од случаите се асимптоматски, но ако се појават симптоми, тие личат на грип.

Симптомите на западнонилската треска вклучуваат:

• покачена температура;
• главоболка;
• малаксаност;
• болки во мускулите и зглобовите.

Западнонилската треска се третира симптоматски и повеќето луѓе закрепнуваат без трајни ефекти.

Уште 3 на следната страница