3 масажи кои можат да ги намалат менструалните болки

Масажата на стомакот ги релаксира мускулите и ја намалува напнатоста. Исто така, ја зголемува циркулацијата на крвта во тој предел, при што се намалуваат болката и непријатноста.

За многу жени, менструацијата може да донесе не само непријатност при крвавењето, туку и интензивни грчеви и болка.

Додека некои лекови против болки може да помогнат при ублажување на непријатностите, некои луѓе се одлучуваат за масажи, како поприроден начин за справување со менструалните грчеви и болки.

Што се менструалните грчеви?

Менструалните грчеви поради контракциите на матката за време на менструација. Интензитетот на грчевите може да варира од личност до личност, но во некои случаи тие може да бидат доста тешки и исцрпувачки.

Болката од менструалните грчеви може да варира, од блага до тешка, и може да трае од неколку часа до неколку дена.

Најчесто се чувствува во долниот дел на стомакот и може да биде придружена со гадење, болки во грбот, главоболки и замор.

Менструалните грчеви може да предизвикаат и чувство на надуеност, а во некои случаи може да бидат придружени со дијареја или констипација.

Видови масажи кои ќе ви помогнат за намалување на менструалните грчеви и болки

Масажа со масло

Оваа масажа вклучува употреба на топло масло на пределот на стомакот и долниот дел на грбот. Масажата помага да се релаксираат мускулите и да се намали напнатоста во телото. Исто така, ја зголемува циркулацијата на крвта во тој предел, при што се намалува болката и непријатноста.

Масажата најчесто се прави со топли масла, како бадемово, кокосово или масло од јојоба. Тоа треба нежно да се нанесе на местото и да се масира со кружни движења.

Важно е да бидете нежни и да не притискате многу силно за да не си предизвикате поголема болка.

Масажата треба да се прави најмалку 10 минути и може да се повторува неколку пати на ден. Покрај болката, со масажата ќе го намалите и стресот и анксиозноста поврзани со ПМС.

Масажа со притискање

Овој вид масажа вклучува примена на притисок на абдоминалната област и тоа со раце, прсти или алатки за масажа.

Овој притисок помага да се намалат грчевите и да се релаксираат напнатите мускули.

Исто така, познато е дека ваквиот вид масажа ја подобрува циркулацијата и го намалува воспалението.

Шиатцу масажа

Шиатцу масажата се користи уште многу одамна, и тоа за ослободување од различни заболувања, вклучувајќи и менструални грчеви и болки.

Шиатцу масажата се заснова на принципите на традиционалната кинеска медицина и се изведува со рацете и дланките.

Личноста која ја изведува масажата врши притисок на одредени точки на телото, познати како точки на акупресура, за да ги стимулира природните исцелувачки способности на телото.

Оваа масажа е ефикасен начин за ублажување на менструалните грчеви и болки, бидејќи помага да се релаксираат мускулите, да се подобри циркулацијата и да се намали воспалението.

Притисокот кој се изведува при оваа масажа најчесто е нежен и ритмички и се применува со кружни или нагоре-надолу движења.

М. Ѓ. | Црнобело / фото: freepik.com