Која е разликата помеѓу испукани капилари и проширени вени и дали се опасни?

Иако изгледаат слично, испуканите капилари и проширените вени се различни појави. И двете за повеќето се безопасни, но добро е да знаете како можете да го намалите ризикот од нивната појава.

Испуканите капилари се честа појава и обично се безопасни, но можат да предизвикаат непријатни симптоми, како чешање.

За повеќето луѓе, поголем проблем претставува изгледот на испуканите капилари, но постојат третмани за ова.

Од друга страна, постои и појава позната како варикозни или проширени вени која може да изгледа исто како испуканите капилари.

Што треба да знаете за испуканите капилари и проширените вени?

Зошто настануваат испукани капилари?

Испуканите капилари претставуваат оштетени крвни садови кои се наоѓаат веднаш под површината на кожата.

Најчесто имаат црвена, сина или виолетова боја и можат да бидат разгранети или да изгледаат како пајажина.

Испуканите капилари можат да се појават на секој дел од телото, но најчести се на лицето и нозете.

Испуканите капилари се појавуваат кога малите крвни садови под кожата ослабуваат и се прошируваат.

Не секогаш е јасно зошто се појавуваат, но има неколку причини како:

• Хормонални промени
• Генетски синдроми
• Проблеми со сврзното ткиво
• Повреда

Која е разликата помеѓу испукани капилари и проширени вени?

Иако можат да изгледаат слично, испуканите капилари и проширените вени се различни појави.

Најпрво, капиларите и вените се различни крвни садови.

Вените се поголеми крвни садови кои ја носат крвта низ телото. Кога се проширени, тие се дури и испакнати.

Од друга страна, испуканите капилари не предизвикуваат испакнатини.

Кои се симптомите за испукани капилари, а кои за проширени вени?

Испуканите капилари не предизвикуваат некои изразени симптоми.

Сепак, може да се забележат некои промени, особено по долго стоење, како:

• Грчеви
• Чешање
• Болка
• Чувство на горење

Симптомите од проширени вени можат да бидат поизразени и вклучуваат:

• Испакнати вени
• Отечени нозе
• Болка во нозете
• Чешање околу областа на вените
• Промени на бојата на кожата околу вените
• Ноќни болки во нозете

Продолжува на следната страница...