„Пробав 12 различни начини за справување со напади на анксиозност – што помага, а што не?“

„Пробав да дувам балони за да дишам длабоко, но ми се сврти и ми се влоши состојбата. Бев изненадена од тоа што миењето садови ме смири“ – вели девојка која страда од напади на анксиозност, а одлучила да ги тестира најпопуларните трикови за смирување и да утврди кои од нив ѝ помагаат, а кои не.

Секој што некогаш се справувал со напади на анксиозност знае дека тоа воопшто не е пријатна ситуација и дека тие најчесто се јавуваат под влијание на силен стрес.

Девојка по име Марија, која страда од напади на анксиозност, за Brightside споделува дека честопати станува нервозна кога треба да разговара на телефон со непознати луѓе, да разговара преку видеоповик или да се справи со некои проблеми во домот или на работното место.

Како што вели, ваквите „стресни“ ситуации честопати ја ставаат во состојба блиска на паничен напад, а чувствува силно срцебиење и неможност за расудување.

Таа тестираше 12 популарни методи за брзо справување со нападите на анксиозност и појаснува кој од нив, според неа функционира, а кој не.

12-те методи што ги тестирала Марија и нејзиното искуство:

Одвојте време за грижи

Луѓето што се борат со анксиозност честопати добиваат препорака да одвојат по 20 минути од денот што ќе ги посветат само на грижи, и тоа да го прават секој ден во исто време - напладне или неколку часа пред да спијат.

„Методот има свои лоши страни, јас не можам да ‘се грижам’ само во точно определено време, а идејата дека треба да размислувам за тоа подоцна, ми делуваше наивно“ – вели таа.

Дување балони

Дувањето балони или балончиња со мастики ве тера да почнете да дишете длабоко и, како резултат на тоа, се намалува анксиозноста. Но, Марија вели дека ниту ова не ѝ помогнало премногу.

„Можеби дував премногу брзо, па почна да ми се врти и само повеќе ми се влоши анксиозноста“ – вели таа.

Одвојте неколку минути во денот за вежби со дишење

Марија вели дека техниките за дишење што се користат за време на јога вежбите може да ви помогнат да се справите со стресот, но и за да го подобрите менталното здравје.

„Седнете долу, во позиција во која се чувствувате удобно, и исправете го грбот. Ставете ги рацете на стомакот.

Прво, полека вдишете длабоко со носот и издишете повторно со носот, додека не почувствувате дека ви се стегаат мускулите во стомакот.

Времетраењето на издишувањето треба да биде идентично со времетраењето на вдишувањето.

Повторете ја вежбата 10 пати. Не знам дали процесот ме смири, но сигурно ми го тргна паметот од непотребни мисли“ – вели таа.

Дишете наизменично низ двете ноздри

Низ некои практики на медитација честопати се користи и наизменично дишење низ двете ноздри од носот.

Потребно е да седнете во „лотус“ поза, односно со прекрстени нозе, и со прстот да ја притиснете едната ноздра, па да дишете само со другата околу 5 секунди.

Потоа го задржувате воздухот 5 секунди, па со прстот ја притискате другата ноздра и дишете околу 5 секунди.

„Ова вообичаено треба да се прави неколку минути. Можеби не ги следев добро упатствата, но не успеав да се смирам“ – вели Марија.

Миење садови

Некои понови истражувања велат дека миењето садови може да ви помогне да се смирите кога имате напади на анксиозност.

„Можеби ви звучи чудно, но кога се обидов да ги измијам садовите не затоа што се натрупаа, туку како дел од експеримент, тоа ми помогна да се смирам и да се сконцентрирам“ – вели Марија.

Испијте чаша вода

Количеството течности што го внесувате може многу да влијае на вашето здравје, но и на менталната состојба, па затоа е потребно да пиете најмалку 5 до 6 чаши вода дневно за да можете полесно да се справувате со стресот.

„Мене, чаша вода секогаш ми помага да се смирам, да земам здив и да почнам да размислувам подобро“ – вели Марија.

Продолжува на следната страница...