Научниците потврдија: Децата треба да спијат со мајките до 4 години

Мислењата за тоа дали децата треба да спијат со родителите се многу различни, подеднакво како што се различни и одговорите за возраста до која треба да се случува тоа.

Сепак најновите истражувања на научниците покажуваат дека за децата е најдобро да спијат заедно со родителите до 4-годишна возраст.

„Доколку спијат одделно, мајката и детето потешко се поврзуваат, а тоа штети на развојот на мозокот и води кон проблематично однесување како што детето расте“, изјавува педијатарот Нилс Бергман од универзитетот во Кејптаун.

Следејќи 16 новороденчиња, Бергман открил дека оние кои биле ставени да спијат со мајките биле многу подобри од оние кои биле одвоени. Истражувањето покажало дека срцето на бебињата кои спиеле без мајките било изложено на трипати поголем стрес од срцето на бебињата кои спиеле со мајките.

„Промените во мозокот кои настануваат по ослободувањето на хормонот на стрес го отежнуваат создавањето на квалитетна поврзаност и водат кон различни проблеми во однесувањето“, објаснува д-р Бергман.

Некои истражувања го поврзуваат заедничкото спиење со ризикот од „смрт во колевка“, но докторот на тоа одговара:

„Кога бебето ќе се задуши или ќе настапи смрт во колевка, тоа не се должи на фактот дека мајката е или не е до него. Тоа настанува заради причини како: токсичен чад, цигари, алкохол, големи перници или опасни играчки.“

Британската организација „National Childbirth Trust“, исто така, го поддржува спиењето на децата со родителите, но само доколку тие се здрави и не користат дрога или алкохол и не се премногу уморни.

М. С. | Црнобело