Мали лаги кои секој ѝ ги кажал на својата мајка

Односот мајка-дете понекогаш знае да биде многу сложен, особено кога сте тинејџер и се борите за „своето место под сонцето“.

Многумина од нас забележале дека нивните другарки/другари одлично се сложуваат со нивните мајки, а тајната која се крие зад тоа се малите ситни лаги кои секогаш ги смируваат работите и не дозволуваат ништо да го наруши нивниот однос со мајката.

Да се разбереме зборуваме за лаги од типот „Да, да носам џемпер“ иако вие се шетате по маичка со кратки ракави и кажувањето „Да, мамо, зготвив вечера“ додека ја фрлате кутијата од нарачаната пица во контејнерот надвор.

Ова се тие лаги кои секој од нас барем еднаш во животот ѝ ги кажал на својата мајка:

1. Не топло е надвор, не ми треба јакна.

2. Не се тресам, воопшто не ми ладно, супер ми е.

3. Не нарачувам пица речиси никогаш, гледам сама да си зготвам нешто многу поздраво. 

4. Знам дека мирисам на чад, ама што да првам кога сите во кафичот пушеа.

5. Не мора да ми купувате нешто посебно за роденден, книга или нешто ситно е доволно.

6. Ќе спијам кај (името на другарот/другарката која е најодговорна и мајка секогаш ви го/ја кажува како пример за добро дете), се гледаме утре!

7. Сигурно нешто телефонов не ми работи како што треба, не ми стигна ниедна порака дека си ме барала.

8. Добро ми оди, внимавам на парите, не сум ги потрошила сите.

9. Може да ми позајмиш ХХХ денари? Знам дека ми дадовте веќе пари ама ми требаат уште малку.

10. Не мамо јас никогаш не пијам алкохол.

11. Нееее, не сум пијана. Само ти пишувам за да ти кажам дека многу те сакам.

12. Не, мамо, не ти треба „Фејсбук“, тоа е многу глупаво нешто. Чекај малку мамо некој ми пиша на „Фејсбук“.  

13. Не, немам ништо со него/неа, само сме пријатели.

14. Не, мамо, не ме разбуди. Буден/а сум одамна.

15. Да, да, јадам здрава храна.

16. Не сум мамурен/а, само ми се спие.

17. Мамо се сретнав со ..... ќе ти се јавам после (добро е ја откачив)!

18. Супер е јадењево, фала мамо (ах, зашто морам да ги јада овие здрави глупости!)

19. Во моментов сум фокусирана на работата, немам време за ништо друго.

20. Сè е во ред, мамо, не грижи се!

М. С. | Црнобело