10 начини за да го поттикнете логичното размислување кај вашите деца

Не „сервирајте“ им го секогаш решението на вашите деца. Дозволете им да „нурнат“ во проблемот и самите да ги истражат опциите и решенијата. Поттикнете креативно размислување за понатаму во животот да може да се соочат со пречките кои ќе им наидат на патот.

Логичното размислување на децата им помага да донесат подобри одлуки и да ги сфатат последиците од истите. Што е најважно, експертите велат дека децата не можат самите да ги научат овие вештини, туку ние треба да ги негуваме во нив.

Личноста со вештини за логично размислување покажува подобро расудување, решавање проблеми, критичко размислување и комуникациски вештини.

Начини преку кои може да го поттикнете логичното размислување кај децата:

Поставувајте отворени прашања

Може да започнете со поставување прашања од отворен тип, кои немаат одговори со еден збор, како да или не. Отворените прашања имаат објаснувачки одговори.

На пример, вашето дете е вознемирено бидејќи не му дозволувате да излезе надвор да игра, поради временските услови. Па, ве прашува: „Зошто не можам да излезам надвор?“

Наместо директно да одговорите на прашањето, прашајте го: „Зошто мислиш дека не ти дозволувам да излезеш?“ Дозволете му да размисли, па да ви одговори.

Поттикнете креативно размислување

Се прашувате како да поттикнете креативно размислување кај вашето дете? Најдобар начин е да избегнете да му дадете решение на детето, кога е заглавено во некоја ситуација.

Дозволете му да го реши проблемот, па така може да дојде до идеи или опции за справување со ситуацијата.

Охрабрувајте логичко расудување

Логичкото расудување е составен дел од процесот на логичко размислување. Кога детето ќе се најде во една ситуација, поттикнете го објективно да го анализира проблемот и да дојде до рационално решение.

Така, нема да носи импулсивни одлуки и ќе се научи за причината и последицата од некој настан. Ако ова се практикува редовно, може да има долгорочни придобивки.

Поттикнете им ја љубопитноста

Кога децата по сто пати го поставуваат прашањето „зошто“, родителите многу често ја потиснуваат нивната љубопитност, бидејќи невозможно е да им се одговори на сите прашања. Но, треба што повеќе да му дозволувате на детето да поставува прашања, да експериментира и слично.

Ова охрабрување ќе доведе до тоа тие да истражуваат и да разберат што всушност прават. Така, ако нешто ги интересира, тие со задоволство ќе експериментираат и ќе си го подобрат знаењето.

Научете ги како да ја проверат точноста на информациите

Живееме во време каде што секоја информација е лесно достапна, но, дали сè што ќе прочитаме е реално? Секако дека не.

Затоа, треба да ги научите децата да ги оценуваат информациите и да ја одредат нивната точност. Така, треба да знаат да проверат дали информациите доаѓаат од сигурен извор или не.

Уште 5 начини на следната страница...