10 популарни Монтесори игри кои може да ги направите сами

Наместо да му понудите на детето десетици игри кои свират од сите страни и брзо му здосадуваат, направете неколку игри сами од работи што ги имате дома со кои ќе му ја разбудите креативноста и ќе му овозможите да истражува и да ги развива моторичките способности. 

Во продавниците за играчки и на онлајн страните може да се најдат огромен број на дрвени Монтесори играчки кои поттикнуваат развој, креативност и самостојност при играта на детето.

Но, тоа не значи дека мора да ги купите сите, ниту пак е причина да се откажете од креативните игри.

Можете со работи што ги имате дома да направите еден тон варијации и да направите сами игри кои ќе го поттикнат детскиот развој, прецизност, координација око-рака, трпение и истовремено ќе им го разбудат интересот за повеќепати да се вратат на нив.

Во продолжение ви нудиме неколку различни типови на игри кои можете да ги направите дома, а вие одберете кои се најсоодветни за вашето дете зависно возраста, способностите и безбедноста.  

НАПОМЕНА: Посебно бидете внимателни доколку вашето дете е помало од 3 години, а играта содржи мали предмети кои може да бидат опасност од гушење. Заменете ги предметите со поголеми или прескокнете ја целосно играта доколку е несоодветна за способностите на детето на таа возраст. 

10 игри инспирирани од Монтесори методот, кои можете да ги направите сами дома:

Сортирање по бои

Направете барем 5 сета од различни предмети во секоја боја.

На пример наредете пластични чашки во различни бои и понудете му на детето дрвени или масни боички во истите бои, кои ќе треба да ги става во чашките соодветно според истата боја.

Истото можете да го правите со секаков тип на предмети во исти бои, не мора да бидат чашки и боички.

Гледајте да има повеќе бои и предмети, со цел подобро да ја усовршат вештината на сортирање.

Основна игра на ставање предмети во нешто

Потребен ви е сад со отвор, како тегла и предмет од домот кој може да помине низ тој отвор, како на пример топче, дрвено јајце и сл.

Детето ќе треба да го става предметот внатре во садот и да го вади.

Доколку е поголемо, може да му дадете да го фати со некоја лопатка предметот и така да го стави во теглата или чашка. 

Игра со полнење поштенско сандаче

Оваа игра е слична како претходната, но малку потешка.

Земете каква било кутија и на горниот дел направете тенок и долгнавест отвор.

Од картон исечете мали парчиња во вид на дискови кои ќе можат да поминуваат низ отворот.

Детето ќе треба да ја полни кутијата која наликува на поштенско сандаче и потоа да го отвори капакот и да ја собере поштата.

Извлекување ленти

За да не мора да влечат влажни марамици од секое пакување, направете им слична игра со извлекување.

Земете некоја празна лименка од инстант кафе или од Pringles чипс (или слична амбалажа) и направете дупчиња на меките делови.

Во дупките протнете украсни ленти или ткаенини што ги имате дома и направете јазол на краевите за да не може целосно да излезат.

Учење прецизност со ставање цевки во дупчиња

Направете соодветна големина на дупчиња во картонот од тоалетна хартија и дајте му на детето да ги протнува цевките за пиење низ нив.

Уште 5 игри на следната страница...