„Не ѝ помагам на сопругата ни да чисти, ни со децата“: Маж ги воодушеви мајките со видео на ТикТок

„Не ѝ помагам ни да чисти, да ja испере облеката, ни во грижата за децата. Ништо од тоа. Не можам да ѝ помагам за сите овие работи, бидејќи тоа е, всушност, и моја работа“, вели во виралното видео кое има 7 милиони прегледи.

Џеј Ар Минтон на ТикТок објави видео со кое ги воодушеви мајките од цел свет.

Тој вели дека не ѝ помага на сопругата во одгледувањето на децата, во чистењето, ни во готвењето дома.

Напротив, тој смета дека ова се и негови обврски кои ги дели подеднакво со сопругата.

„Не ѝ помагам на сопругата да готви.

Не ѝ помагам ни да чисти, да пере облека, ни во грижата за децата. Ништо од тоа.

Причината поради која го правам сето ова, е затоа што се грижам за домот како татко и сопруг.

Готвам, чистам, перам облека. Се грижам за децата.

Не можам да ѝ помагам на сопругата за сите овие работи, бидејќи тоа е, всушност, и моја работа“, вели тој во видеото.

Објавата на Минтон за кратко време стана вирална, со 7 милиони прегледи и преку 15.000 коментари.

„Секоја чест. Секој татко и сопруг мора да го погледне ова видео“, му пишуваат во коментарите во знак на поддршка.

Погледете го видеото:

@minton__jr

♬ original sound - J.R. Minton

Прочитајте и Мажи, престанете да се гордеете со изјавата: „Не ѝ помагам на жена ми!“

А. Ј. | Црнобело