Секси и неодоливи - Кои бои ќе бидат во тренд оваа зима?

Оваа зима ќе можат да се сретнат бројни комбинации на бои и различни нијанси од палетата.

Некои се сосема очекувани, а други пак невообичаени за овој период од годината, бидејќи тука се вклучени и посветлите и потопли нијанси карактеристични за пролетта и летото.

Комбинација на црната и белата боја

Со комбинирањето на ахроматските бои никогаш не можете да погрешите, без разлика на тоа дали ќе се одлучите за графички елементи како моделите на Valentino или поп-арт верзијата со зебра принт на Saint Laurent.

Силна нијанса на црвена

Оваа боја можете да ја користите во севкупниот ваш изглед како што е примерот со креациите на Givenchy или во рамките на одредени парчиња облека и материјали, како крзната на Emporio Armani.

Егзотично жолти нијанси

Друга топла боја која може да ви ја направи зимата малку повесела е силно жолтата боја која ќе ве потсетува на сончевите денови.

Бордо

Оваа боја можете да ја дефинирате како топла и смирувачка, нешто слично како една голтка црвено вино. Неа можете да ја употребите во сите комбинации без разлика дали станува збор за нешто секојдневно, софистицирано, женствено или спортско.

Маслинка боја

Можете да го употребите примерот на: Elie Saab, Tom Ford и Jason Wu и да се вратите назад во 60-те и 70-те години.

Морнарско сина

Оваа боја не е вообичаена за овој период од годината, но може совршено да се вклопи во секојдневните комбинации на високо струкирани пантолони, фармерки и здолништа.

Пастелни

Ако сакате да воведете малку поромантични елементи во вашиот избор на облека, можете секогаш да се одлучите за пастелните бои.

Розе нијанси

Како што е случајот со пастелните бои, така е и со розовите нијанси. Оваа зима можете да го следите примерот на модната икона Одри Хепберн и да се одлучите за капут со понежна боја.

Виолетови

Како што е случајот со виолетовите орхидеи, така и вие во оваа боја може да делувате елегантно, деликатно и да фасцинирате.

Сиви нијанси

Можете да се инспирирате и до сивилото на градот и да воведете некои „индустриски“ елементи кои можете секогаш да ги носите во вашите професионални комбинации. Тука важни се силните контрасти и острите линии за да добиете поелегантен и софистициран изглед.

Невино бела

Мека, нежна и непостојана. Белата боја е бојата на чистотата и невиноста која може да доживее целосен пресврт во модните парчиња кои можете да ги носите оваа зима. Инспирирајте се од модните комбинации на Fendi и Stella McCartney.

Црна

Црната боја е безвременска, па затоа никогаш не излегува од мода и може секогаш да се комбинира и носи во било која ситуација и без разлика на тоа дали сакате да изгледате формално или неформално.