5 модели на фустани во кои ќе изгледате послабо - погодни се за дневни и вечерни излегувања

Со овие фустани визуелно ќе изгледате повисоки и послаби во струкот, а одговараат и на патики и на високи потпетици.

Стилистите најдобро знаат дека облеката прави чуда: со неа можете да ги нагласите вашите облини, а да ги прикриете недостатоците на вашето тело.

Важно е да се избере вистинскиот крој, дезен и боја, посебно доколку не сакате да се гледаат вишокот килограми. 

Во продолжение погледнете кои фустани ќе направат да изгледате послабо:

Фустани на преклоп

Овој модел е погоден за сите видови фигури.

Фустаните на преклоп ќе ви помогнат да прикриете неколку килограми сантиметри околу струкот.

Благодарение на правилниот крој, секој може да постигне фигура на песочен часовник, да ги скрие колковите и да ги нагласи сите добри страни.

За лето треба да изберете модел во светли бои или со романтичен цветен дезен, а за вечерна облека погодни се оние од свила или сатен, кои одлично ќе изгледаат со минималистички сандали и чевли со ниска потпетица.

Фустани кои даваат акцент на струкот

Доколку сакате да изгледате послабо, тогаш дефинитивно треба да изберете модели кои даваат акцент на струкот.

Освен фустаните на преклоп, овде спаѓаат и фустани со ластик или ремен на струкот.

Не е важно дали фустанот е долг мини, миди или макси, најважно е да создава ефект на песочен часовник. 

Со таков фустан можете да носите патики, сандали и апостолки.

Фустан - кошула

Овој модел кој никогаш не излегува од мода е одлично решение за жешката сезона. 

Може да се носи во канцеларија, во комбинација со мокасини или балетанки, а навечер може да се носи со елегантни потпетици или сандали. 

За да изгледате послабо во фустан од кошула, треба да изберете модели направени од лесни ткаенини. 

Моделите направени од памук, лен и други лесни материјали, благодарение на кројот и копчињата, визуелно ќе ја издолжат фигурата.

Фустани со V деколте

Длабокото деколте и V-деколтето исто така визуелно ја издолжуваат фигурата. 

Благодарение на ова деколте, вратот изгледа подолго, лицето послабо, а волуменот во пределот на рамената и градите се намалува. 

Овој модел може да се надополни со „пуф“ ракави, ремен или принт, бидејќи самиот V-израз ќе ја направи потребната рамнотежа.

Фустани со А крој

Оние кои се обидуваат да го одвлечат вниманието од широките колкови и да ги нагласат деколтето и половината, најдобро е да облечат ваков крој на фустан.

Ова е стил кој се шири од половината надолу, помагајќи да се постигнат понежни и поженствени линии. 

С. Ш. | Црнобело / фото: Пинтерест