Кои српски пејачки ги обожаваат креациите на нашиот Златко Јовановски?

Златко Јовановски, кој за себе вели дека е „кралот на светкавото“, е омилен меѓу дамите на српската естрада кои бараат да им креира за посебни пригоди - фотографирање за насловни страници, снимање спотови, за концерти... Кои пејачки носеа негови дизајни?

Македонскиот дизајнер Златко Јовановски, во јавноста познат и како ЈЗЈ, долги години е дел од домашната модна сцена. Препознатлив по впечатливите креации со многу рачно навезени детали, монистра, светкави камчиња и тантела, Златко успеа да ги привлече на само регионалните, туку и светските ѕвезди кои носат фустани и корсети со неговиот потпис.

Златко е особено омилен меѓу дамите на српската естрада, кои бараат да им креира за посебни пригоди - фотографирање насловни страници, снимање спотови, за концерти...

Меѓу оние кои го обожаваат е Јелена Карлеуша, која носеше два негови корсета за празничното издание на магазинот „Hello“ во декември 2021. Таа во 2022 носеше негова креација и за прославата на својот роденден.

Костум од Јовановски носеше и Цеца на еден од своите концерти, исто како и Драгана Мирковиќ, која на концерт носеше фустан креиран од Златко.

Вики Миљковиќ беше облечена во креација од ЈЗЈ во финалето на „Ѕвездите на Гранд“ во 2022, Теа Таировиќ во еден од своите спотови, но и пејачката Марија Микиќ облече фустан од Златко за својот спот за песната „Прозор“.

Меѓу оние кои ги облече се и Ивана Николиќ и Сања Вучиќ, поранешни членки на групата „Hurricane“.

Сепак, најмногу креации од Златко носи пејачката Николија.

За CRNOBELO.com, Златко откри интересни детали за соработката со нив:

„На мое огромно задоволство, најголемите српски ѕвезди носеле мои креации.

Сите тие соработки имаат посебно значење за мене бидејќи тие сценски костими ги работам со најмногу љубов и задоволство.

Тоа е нешто во што јас како дизајнер најмногу уживам.

Сите креации се со мој препознатлив печат, но кон секоја ѕвезда пристапот е различен, бидејќи тоа се личности коишто имаат свој стил и печат, па јас мора да се вклопам во тоа.

Мора да признаам дека комплетно ми верувале сите, затоа, нели, и ме одбрале мене како дизајнер.

Искрено, имам повеќе потешкотии и притисок во ателје со ‘регулар клиенти’ (ако можам така да се изразам) отколку со ѕвездите, кои често не ни доаѓаат на ‘фитинг’.

Продолжува на следната страница...