Промени во однесувањето на партнерот кои можат да бидат знак за неверство

Неочекуваната желба за експериментирање во креветот, како и зголеменото трошење можат да бидат знак за неверство. Но, истовремено, не мора да значи дека партнерот дефинитивно ве изневерува ако ги забележите овие промени. 

Неверството создава емоционални рани како оние кога се соочуваме со тешка болест или губење на работното место. Животот на изневерените полека се распаѓа, а се разбива и дотогашната претстава за партнерот и врската која што ја имале.

Последиците се тешкотија, чувства на осаменост и напуштеност, несигурност и пад на самодовербата. Постои мешање на бесот и љубомората, силно чувство на немоќ и тука здравата комуникација станува невозможна.

Но, како да го приметите неверството?

Одеднаш партнерот има многу идеи за експериментирање во сексот

Сигнал дека вашиот партнер можно е да ве изневерува се неочекуваните барања во вашата спална соба да испробате нешто сосема ново. 

Но, и претераната љубезност може да биде ѕвоно за узбуна

Преку пронаоѓањето мани кај сопружникот, прељубниците неретко го оправдуваат своето неверство. Но, промените во однесувањето можат да бидат и спротивни.

Во почетокот на неверството, прељубникот неретко станува пољубезен и повнимателен од претходно, па му посветува сѐ повеќе внимание на партнерот.

Парите одеднаш почнуваат сѐ повеќе да испаруваат

Партнерот сѐ почесто оди до банкоматот, троши многу повеќе од обично, но вие не гледате на што точно одат парите.

Неретко поголемото трошење е еден од првите знаци за неверство.

Промени во однесувањето

Ако партнерот сè помалку престојува со семејство и одеднаш посветува сѐ повеќе време на изгледот, го менува стилот на облекување, купува нова облека, посетува теретана или оди на фитнес, можно е во вашиот брак да влетала трета личност.

Најчест начин на откривање

Без разлика на гореспоменатите симптоми и сигнали, поголем дел од неверствата се откриени благодарение на мобилните телефони, односно повиците и СМС пораките.

Неретко неверствата се откриени и преку профилот на социјалните мрежи како Фејсбук, Твитер и Инстаграм.

Важно е да се нагласи дека овие промени не треба да ги толкувате како сигурни знаци дека партнерот ве изневерува. Доколку се сомневате, разговарајте со него.

М. П. | Црнобело