Начинот на седење, гестикулации: Знаци кои покажуваат дека таа е „луда по вас“

Понекогаш жените може да бидат неразбирливи во очите на мажите.

Многу често за нив „да“ значи „не“ и обратно, но сепак и без многу зборување, тие успеваат некако да го освојат машкото срце.

Мажите понекогаш не се свесни дека жената флертува со нив, бидејќи не ги сфаќаат нивните индиректни знаци.

За да ги сфатите во целост, треба да обрнете повеќе внимание на невербалните знаци кои ги издаваат намерите на жените.

Па мажи, погледнете кои се знаците кои со сигурност ќе ви покажат дека девојката со која се гледате или разговарате е луда по вас:

Кога ќе ја погледнете, зениците ѝ се шират

Контактот со очи влијае на лачењето окситоцин. Овој хормон ни помага да се чувствуваме поприврзано со некоја личност. Затоа, несвесно луѓето се обидуваат да остварат контакт со очи со луѓето на кои сакаат да им се доближат.

Ако ви се сретнат погледите и таа засрамено го врти погледот на страна – ѝ се допаѓате. Ниту една девојка нема да биде засрамена од контактот со личност за која не е заинтересирана.

Нејзините зеници се шират кога зборува со вас, иако е тешко забележливо.

Начинот на кој ги држи нозете

Испружените носе и прекрстените зглобови се знак на недоверба, па дури и презир. Кога девојката се чувствува пријатно и е заинтересирана, нејзините зглобови нема да се преклопуваат.

Ако стапалата и се оддалечени, тогаш обрнете внимание на нив. Ако се насочени кон вас, тогаш најверојатно ѝ се допаѓате и сака да ве запознае подобро.

Сака да ви се приближи

Оддалеченоста помеѓу двајца луѓе може да значи многу:

Ако ѝ се допаѓате, таа ќе се обидува да седи поблиску до вас, дури и ако се срами.

Ако сакате да проверите со 100% загарантираност дали ѝ се допаѓате, нападнете ја нејзината комфор зона (50 cm оддалеченост од лицето). Ако се помрдне, тоа е лош знак, а ако остане во исто место и толку голема близина до вас, тогаш ѝ се допаѓате.

Седи со исправен грб и истакнати гради

За да ве импресионира и да ви го привлече вниманието кон „важните“ делови, таа ќе седи со исправен грб, а градите ќе ги стави во преден план, секако, стомакот ќе биде вовлечен. И верувајте, ова не може да не го забележите.

Имитирање на став и гестикулации

Гледајте внимателно дали девојката се обидува да ги копира вашите пози, гестикулации и „фаци“.

Имитирањето се случува несвесно, а значи дека се обидува да ве разбере подобро и да најде нешто заедничко.

Нишање на чевлите

Нишкањето на чевлите на прсти е знак на ослободување и релаксација. Таа го прави ова кога се чувствува удобно и се обидува да флертува.

И повторно, запомнете дека насоката на нејзините прсти и чевли покажуваат кон тоа што ѝ се допаѓа.

Одвреме-навреме ја мести косата или облеката

Ако девојката во ваше присуство постојано си ја мести фризурата, облеката или накитот, тогаш таа е малку нервозна.

Но, овие движења и даваат самодоверба и така е сигурна дека изгледа добро.

Ги допира усните

Кога девојката ги допира нејзините усни, тоа значи дека е заинтересирана за вас. Ова е класичен знак кој често може да се забележи и во филмовите.

Но, бидете внимателни – ако тоа се случува на неколку минути, тогаш тоа можеби е само лоша навика, а не знак.

Често се гледа во огледало

На секоја девојка ѝ е важно да изгледа совршено. Посебно кога до неа седи некој кој ѝ се допаѓа.

Ако таа се гледа во огледало многу често, значи се грижи и труди нејзиниот изглед да биде постојано добар.

Држењето на рацете

Затворени и прекрстени раце не секогаш значи одбивање. Можеби девојката само се срами и не е подготвена да се отвори. Бидете трпеливи и видете дали нешто ќе се смени.

А, ако рацете и се исправени–тогаш тоа со сигурност е зелено светло.

Си игра со прамени од косата

Кога девојката се срами или флертува, таа постојано ја допира косата и си игра со неа. Секако, ова важи за девојките со долга коса.

М. М. | Црнобело