8 грешки при заведувањето, заради кои врските не ви успеваат

Секој во животот имал прекрасна конекција со одреден човек, сè до одреден момент кога работите почнуваат да се ладат од негова или нејзина страна.

Тогаш не можеме, а да не се запрашаме: Каде згрешив? Што направив сега?

Веројатно една од овие 8 работи:

1. Покажувате претерано голем интерес

Во ред е да сакате да му/ѝ дадете до знаење дека сте среќни и ви е убаво, но претераниот флерт и интерес, како и опсипувањето со внимание во секоја можна минута од денот, може да имаат спротивен ефект. Оладете.

2. Патетични реакции

Никој не сака да биде со човек кој е постојано несреќен и незадоволен. Насмевнете се, многу е поатрактивно.

3. Гласно зборување

Често, се обидуваме да го привлечеме вниманието со тоа што зборуваме гласно. Омекнете го гласот, ако не сакате да го/ја исплашите. Остварете пријатен контакт, наместо да се надвикувате.

4. Демонстрирате претерана емотивност

Ова посебно важи за девојките. Важно е да разговарате, но не да го ставите срцето на маса уште на прво гледање. Потпрете се на хуморот, така ќе поминете многу подобро.

5. Тајно следење

„Ќе поминам од кај него/неа дома сосема случајно, па ако се сретнеме ќе се преправам“ не пали. И никогаш нема да запали. Оставете простор, не вреди да се срамотите.

6. Испраќате пораки „по грешка“

Оваа финта е веќе застарена и никогаш не ни била некоја успешна финта.

7. Станувате рамо за плачење

Во ред е да разговарате за проблемите, но не и да станете рамо за плачење и вреќа за тресење на лутината.

8. Градите пријателство

Територија во која не сакате да навлезете. Ако се поставите како пријатели на почетокот, ризикувате љубовта никогаш да не се развие.

М. Д. | Црнобело