Испитајте ги вашите емоции: Дали сте подготвени за средба со бившиот?

Многумина ќе ви речат дека средбата со бившиот е погрешно нешто. И е, освен ако двајцата не сте на иста страна – т.е. едниот од вас сака да се смири или да се врати на „она старото добро што го имавме“.

Во случај да сте апсолутно сигурни дека не сакате ништо, ни едниот ни другиот, тогаш средба би требало да е дозволена.

Ова се работите кои треба да ги испитате и на кои треба да бидете подготвени:

1. Наплив на емоции

Секако, треба да бидете подготвени дека може да го поднесете напливот на тие некогашни реални емоции и слики, кои сигурно ќе ве мавнат во главата. Без разлика колку сте студени, без разлика колку не чувствувате ништо за таа личност, тие слики секогаш се враќаат. Сето она што било убаво – сите романтични состаноци, сите интерни шеги, сите изненадувања, сите искази на љубов. Но, се враќаат и оние лошите – караници, солзи, осаменост, тага...

2. Баланс

За да може да се сретнете со бившиот треба да имате баланс. Да знаете дека она што е минато, таму треба да остане. Меѓутоа, мора да запомните - никој не е безгрешен. Ако сте апсолутно, без трошка сомнеж сигурни во ова, тогаш може да се сретнете.

3. Простување

Подеднакво е важно да се напомени дека освен тоа што треба да сте подготвени на тие спомени, треба да си простите себеси и на таа личност. Вашиот меѓусебен однос завршил и треба да го сфатите тоа.

Ако ви е потребно време да го „сварите“ сето ова, тогаш не се осудувајте да чепкате по сопствените рани, затоа што она што ќе прокрвари ќе биде полошо од самата рана. Простете си себеси, и простете му на партнерот. Секогаш постои причина за крај и без разлика која е таа, треба да се помирите со исходот. Ако не сте подгтовени за помирување, тогаш подобро е да не се сретнувате со бившиот.

4. Финално испитување

Ако веќе ги исполнувате овие три услови, уште преостанува да се испитате уште еднаш. Детално да ги прегледате вашите емоции, затоа што ако постои и најмал сомнеж, само што ќе го видите партнерот сите чувства (што веројатно ги криете) ќе испливаат на површина и ќе посакате да се смирите. А, ако веќе партнерот се сложил на средба, тогаш или и тој го сака истото или пак се помирил со тоа дека вашето време заедно завршило. На вас останува да процените, а оваа проценка може да ви го одреди текот на љубовниот живот.

Не се плашете, иако ваквата одлука е голема, сепак вие знаете да ја донесете правилно. Секој знае да ја донесе, затоа што нема човек што не знае што чувствува. Може да бидете несигурни, но не и да не знаете. А, несигурноста брзо се решава. Само вие го имате клучот.

С. С. | Црнобело