Дојдете со подароци: 7 начини како да се справите со неговата фамилија

Родителите на партнерот може да не ви бидат секогаш пријатни. Или чувствувате дека сее непријателски настроени или едноставно вам не ви се допаѓаат...

Има начин како да се справите со нив:

1. Подгответе се за „нападот“

Иако „напад“ е силен збор во случајов, сепак не е лошо да бидете подготвени на сѐ. Од друга страна пак, не треба да се вознемирувате околу сите нешта кои можат да тргнат наопаку, но сепак бидете свесни дека луѓето се понапнати за време на празниците отколку вообичаено.

Тие се исто толку уморни и исцрпени како и вие, а тоа треба секогаш да го имате на памет. Бидете подготвени на напната атмосфера, агресивен глас дури и пасивно-агресивни коментари. Клучот е да го издржите сето тоа достоинствено.

2. Дојдете со подароци

Факт е дека подароците на сите ни прават мерак и веројатно подобро ќе бидете пречекани. Без разлика кои сте или на која возраст – сите сакаат подароци. Затоа, кога ќе влезете во домот на неговите родители, носете подароци. Тоа е лесен и брз начин за да ја намалите тензијата. Исто така, ќе бидете пречекани со насмевки, а подароците дури не мора да бидат скапи.

3. Носете алкохол

Бесплатен алкохол? Одлично. Дури и неговите родители ќе се благодарни затоа што носите вино. Не само што е прекрасен подарок, туку и сите се опуштаат после неколку чаши. Иако никогаш не треба да се потпирате на алкохолот за да се опуштите и убаво да си поминете со неговите родители, чаша-две нема да ви наштетат.

4. Не се пијанете

Сепак, не претерувајте. Иако алкохолот ќе ја смири ситуацијата, премногу алкохол може да предизвика само проблеми. Сѐ ќе биде супер сѐ додека не испиете малку повеќе и ѝ кажете на неговата мајка колку всушност е грд шалот што ви го купила.

5. Понудете помош

Прво, ова треба да биде од љубезност, а второ тоа може да ви ги стопли односите. Некако логично е кога ќе завршите со јадење во нечиј дом, да помогнете околу средување на чиниите. Не само што ја намалува тензијата меѓу вас и неговата мајка, туку и имате можност подобро да ја запознаете. А таа ќе ви биде вечно благодарна.

6. Целете кон тоа да научите нешто ново

Конкретно – за неговото семејство. Ако ова е прв пат што се запознавате, тогаш супер – сѐ што дознавате е нешто ново.  Но, ако сте биле еднаш или два пати, потрудете се да имате добра комуникација и да дознаете нешто што не сте го знаеле до сега. Ова ќе ви отвори многу теми за разговор и ќе им покаже дека искрено сакате да ги запознаете – а тоа значи дека ќе се чувствувате поудобно.

7. Бидете позитивни

Не може да имате позитивен исход ако влезете проколнувајќи го целиот ден. Престанете! Влезете со позитивни мисли. Кажете си дека ќе помините одлично и ви гарантираме дека така ќе биде. 

С. С. | Црнобело