Зошто велам „Те сакам“

Животот нè учи на многу работи, една од нив која ќе ја сфатиме порано или подоцна е дека луѓето кои ти го исполнуваат денот со насмевка и внесуваат свежина во секој твој копнеж се оние со кои треба да го продолжиш животот за навек.

Затоа не се срамете од своите чувства и не се срамете да кажете „Те сакам“, а тоа може да го направите поради многу причини. Но, најслатко од сè е реакцијата која доаѓа од другата страна.

Па, зошто велам те сакам?

Бидејќи уживам во твоето неконтролирано смеење кога ќе ги слушнеш тие зборови. Уживам во таа искрена насмевка која прави да заборавам на сè она што било и на сè она што ќе биде и само сакам да живеам во моментот кога ти си крај мене.

Тоа го велам бидејќи го мислам искрено, со секој дел од моето битие, со секое влакно на моето тело кое се накострешува кога ќе помислам на тие искрени зборови упатени кон тебе.

„Те сакам“ е молитва со која ми започнува денот, а ми започнува среќно, бидејќи знам дека ти си во него. И нема посилна мисла, нема посилна водилка која ме носи низ животот. Едноставно е, ако не си ти, не сум ни јас.

Кога велам „Те сакам“ мислам на сè она што сме преживеале, на секоја твоја солза, која не дај Боже некогаш да биде од тага, нека доаѓа само од среќа, среќа која ја добиваш од овие зборови.

И те сакам неизмерно, бидејќи тоа е смислата на постоењето, а кога ќе го кажеш толку гласно за Универзумот да слушне, тогаш ќе се поремети секој процес во секоја клетка од твоето тело и ќе разбереш дека сè има смисла, дури и она што претходно немало.

И ќе продолжам да велам, секогаш и секаде, за тебе, нека слушнат сите дека смислата на постоењето е да бидеш во една бесконечна јамка на непрестајно сакање. А со тоа да бидеш среќен на начин на којшто никогаш не си бил.

Затоа не се штедете.

Убаво е барем по еднаш, како доза лек во денот, да речете „Те сакам“.

©CRNOBELO.com Забрането преземање и копирање. Крадењето на авторски текстови е казниво со закон.

Автор: Н. Буџак | Црнобело