За пенисот се знае, но дали големината на вагината влијае на сексуалното задоволство?

Постојано се поставува прашањето дали и како големината на пенисот влијае на сексуалното задоволство, но ретко кој се интересира како големината на вагината влијае на истото.

Ако ве интересира, еве го одговорот.

Вагината е мускул кој како и сите останати се стега и опушта. Најчесто до опуштање доаѓа заради недостаток на вежби или заради породување, па затоа најпрепорачливи се Кегеловите вежби кои ги зајакнуваат мускулите.

Сите вагини се прошируваат за време на секс, а бројот на односи НЕ влијае на големината.

Според неколку истражувања на повеќе од 200 жени, вагиналниот канал во просек е долг 9,6 сантиметри, а широк од 2,5 до 3,5 сантиметри. Во истражувањата се покажало дека две жени кои имале канал широк 2,1 сантиметар имале поболни сексуални односи.

Што се однесува до усните, односно надворешниот дел од вагината, тие во просек се долги околу 8,1 сантиметар, но распонот на големини може да варира од 4,5 до 11,5 сантиметри.

Големината на усните нема никаква врска со големината на вагината, а интересен податок е дека усните се смалуваат како што женското тело старее.

Малите усни, или внатрешните усни, го опкружуваат самиот отвор на вагината. Интересно е што левата мала усна во просек е нешто поширока (2,1 сантиметар) од десната (1,9 сантиметар). Сепак, исто како и кај надворешните усни, и овие усни немаат никаква врска со сексуалното задоволство.

Последниот податок се однесува на клиторисот и е ист како и кај сите интимни делови - големината варира од жена до жена. Неговата единствена улога е сексуалното задоволство.

Просечната ширина изнесува околу 0,8 сантиметри, а просечната должина е 1,6 сантиметри.

Сепак, и големината на клиторисот нема влијание на интензитетот на женскиот оргазам.

Некои истражувања покажале дека единствено оддалеченоста на клиторисот од вагиналниот отвор може да влијае на женскиот оргазам. Односно, колку што клиторисот е поблиску до вагиналниот отвор, поголема е можноста жената да постигне оргазам без дополнителна стимулација.