Имате многу машки пријатели? Ваков љубовен живот ве чека...

Некои девојки многу подобро се чувствуваат во машко друштво, токму и затоа имаат повеќе другари, а сосема малку пријателки...

Ако и вие сте помеѓу оние девојки кои во друштвото имаат многу машки пријатели, тогаш овој љубовен живот ве чека:

Знаете сѐ од прва рака

Не морате да се трудите да размислувате што мислело момчето кое ви се допаѓа  кога ви пишало порака. Вие едноставно само им ја покажувате на пријателите и добивате точна анализа во рок од неколку минути.

Момците ве штитат

Ако некој сака да ви пријде, очекувајте војска од своите машки пријатели кои можеби тоа нема да го дозволат. Иако ве гледаат како пријателка, тие ве штитат како сестра.

На вашите додворувачи не им е лесно

Мажите понекогаш се чувствуваат загрозено, кога ќе видат жена која е опкружена со други мажи, па затоа полесно им е да се додворуваат на некоја друга.

Забораваат дека сте жена

Ако некој од друштвото ви се допаѓа, шансите се големи дека никогаш нема да успеете да го освоите, бидејќи тој едноставно не ве гледа како жена туку како маж. 

Имате некое вакво искуство?