Најчестите грешки што ги прават луѓето кога работат од дома - не ги повторувајте

Работењето од дома станува сè попопуларно, а периодов многу луѓе и немаат друг избор.

Доколку сте навикнати да работите во канцеларија, оваа промена може да ви биде навистина тешка. Факт е дека оние кои работат од дома одвреме-навреме се чувствуваат осамено и изолирано, но не мора и вие да минувате низ истото.

Всушност, работењето од дома може да биде вистински благослов ако го изведете правилно и ако успеете да ги избегнете најчестите грешки:

Работите во пижами

Звучи навистина примамливо целиот ден да го поминете во пижами, дури и додека работите.

Но, облеката влијае врз нашето расположение, нивото на енергија, па дури и начинот на размислување. А, пижамите најверојатно ќе ве натераат да мислите дека е време за одмор, а не работа.

Пред да почнете со работа, облечете нешто друго наместо пижами. Уште подобро е ако се дотерате, исто како за во канцеларија.

На овој начин вашиот мозок ќе може да направи разлика помеѓу работењето и релаксацијата, дури и ако целиот ден го поминете дома.

Не правите нормален распоред

Работењето од дома ви дава слобода сами да си го направите распоредот. На почетокот сигурно ќе ви биде забавно да си легнувате во 3 наутро, да спиете до подоцна и да работите само кога ќе ви се работи. Но, за кратко ќе забележите дека вашата продуктивност се намалува. Притоа, ќе се чувствувате лошо, и ментално, и физички.

Затоа, бидете построги, одредете точно кое време е за работа и држете се до распоредот. Сега кога вие одлучувате за работното време, можете многу полесно да си го организирате денот и ќе сфатите дека имате време за сите обврски.

Не им објаснувате на домашните дека навистина имате работа

Оние кои подолго работат од дома, знаат дека на домашните понекогаш им е тешко да сфатат дека сепак станува збор за вистинска работа.

Обично тие само гледаат дека седите пред компјутер и претпоставуваат дека не сте зафатени. Токму поради тоа, важно е да им објасните дека навистина имате работа.

Кажете им дека иако седите дома, и вие имате обврски што треба да ги завршите до крајот на денот и потребен ви е мир додека работите.

Не ставате граница помеѓу професионалниот и приватниот живот

Обично кога си заминуваме од канцеларија, забораваме на работата. Но кога работите од дома, голема е веројатноста да проверувате мејлови, пораки и слично дури и кога ќе завршите со обврските.

Поради ова, ваша задача е да поставите јасна граница помеѓу професионалниот и приватниот живот. Бидете достапни во работното време, но штом ќе завршите, одолејте му на искушението да ги проверувате мејловите.

Ако не очекувате некоја важна порака или повик, што и да е може да почека до следниот ден.

Продолжува на следната страница...