14 знаци дека вашата компанија не се грижи за вас

Шефот ви се обраќа само кога ќе направите некоја грешка, а кога треба да ве пофали исчезнува од лицето на земјата.

Чувството дека не се доволно ценети е една од главните причини зошто луѓето ги напуштаат работните места.

„Да, сите работат за плата, но сите сакаат да чувствуваат дека со својата работа придонесуваат и прават разлика“, вели ЛЛин Тејлор, авторот на книгата „Tame Your Terrible Office Tyrant: How to Manage Childish Boss Behavior and Thrive in Your Job“.

Ако компанијата не ве цени, нормално е да се чувствувате немотивирано и тоа да има ужасни ефекти на долг рок.

Знаци дека компанијата не ви ја дава потребната поддршка:

1. Никогаш не ве прашуваат за мислење или идеја.

2. Шефот не ви нуди поддршка, не ви дава упатства, ниту повратна реакција за вашата работа.

3. Не ве плаќаат доволно и свесни сте дека вашата плата е пониска од тоа што заслужувате да бидете платени.

4. Не ви го дадоа заслуженото унапредување и иако сте супериорни во однос на колегите, останувате на исто ниво со нив.

5. Вашите барања за помош се игнорирани и не ви се обезбедени алатките за да го дадете максимумот од себе.

6. Шефот нема доверба во вас и поважно му е да му донесете потврда од доктор дека сте болни кога отсуствувате, наместо да ве праша како сте со здравјето.

7. Вашиот шеф е глув за поплаките дека поради прекувремената работа го запоставувате семејството.

8. Шефот користи тактики на заплашување секој пат кога ќе проговорите за проблемите или ќе побарате покачување на платата.

9. Никогаш не ве информираат за крајните резултати од проектите, иако сте биле дел од нив.

10. Не сте вклучени во носењето на одлуките и никој не се консултира со вас.

11. Важните информации за компанијата ги добивате последни.

12. Шефот ви се обраќа само кога ќе направите некоја грешка, а кога треба да ве пофали исчезнува од лицето на земјата.

13. Имаат барања од вас дури и во деновите за одмор.

14. Не се борат за да ве задржат и ви велат слободно да ги истражите можностите што ви се нудат на друго место.

С. С. | Црнобело