Совети кои треба да ги применувате со вежбањето за постигнување подобри резултати

Ако вежбате, но не забележувате резултати, следете ги овие совети кои сигурно ќе помогнат во слабеењето и постигнувањето на посакуваната телесна тежина.

Постојат неколку начини за зголемување на ефикасноста на вежбањето, па така само со внесување на мали промени можете да изгубите повеќе калории и да ги добиете саканите резултати.

Една од причините зошто резултатите изостануваат е бавниот метаболизам, па затоа согорувањето на калориите не оди толку брзо колку што би сакале. Но, не треба да очајувате, бидејќи и за ова постои решение.

Она што сите тренери го препорачуваат се следните едноставни совети кои би требало да ги применувате во секојдневното вежбање и со тоа да го поттикнете согорувањето на калории, со што ќе дојдете до брзи и подобри резултати. 

Прво треба вежби за сила и загревање, па потоа кардио вежби

Најдобри резултати со вежбањето за топењето на масните наслаги ќе постигнете доколку после завршеното вежбање го одржувате телото во состојба на топење на масното ткиво.

Затоа, добро е прво да ги правите вежбите за сила и загревање, следејќи ги инструкциите на тренерите, па потоа да ги применувате кардио вежбите.

Избегнувајте храна пред да вежбате

Истражувањата покажале дека за најдобри резултати во губењето масни наслаги е најдобро да вежбате наутро со празен стомак. Доколку немате јадено пред вежбање, вашето тело нема многу залихи на јаглехидрати со што го присилува телото наместо тоа да ги согорува наталожените масти.

Ако пак сакате да јадете, обидете се тоа да биде три часа пред да почнете со вежбање, особено доколку тренинзите ви се во попладневните часови.

Сложени вежби

Во сложените вежби, во кои се вклучуваат повеќе зглобови и мускули при изведувањето, се трошат и поголем број калории и резултатите кои се постигнуваат со нив се неверојатни.

Тоа е последица на големата подвижност која ја правите наеднаш со повеќе зглобови и активирате со тоа повеќе мускули.

Следниот пат кога ќе бидете во салата за вежбање, замолете го тренерот да ви покаже како се изведуваат сложените вежби, а потоа фрлете се на работа.

Интервални вежби

Интервални вежби или вежби со висок интензитет, се едни од најефикасните начини за брзо губење на калории и за забрзување на метаболизмот.

Овие вежби вклучуваат вежбање во серии, без разлика на видот на потезите, односно правите една серија од вежбата, паузирате, па ја повторувате.

Тие го поттикнуваат вашето тело побрзо да работи и со тоа ви овозможува брзо постигнување на саканите резултати.

Супер сетови

Станува збор за напредна техника за зголемување на интензитетот на вежбање. Супер сетовите вклучуваат комбинација на две вежби, кои се изведуваат наизменично.

Започнувате со серија од првата вежба, а потоа без пауза веднаш започнувате со една серија од другата вежба. Потоа повторувате пак, почнувајќи од првата, па продолжувајќи со втората.

Е. Д. | Црнобело