10 јога пози кои целосно ќе го зајакнат вашето тело

Ако мислевте дека јогата е само за релаксација и смирување на умот, се лажете.

Оваа дисциплина исто така е многу ефективна за зајакнување и обликување на телото.

Вежбите не се тешки и со тек на време ќе се навикнувате на секоја од нив, а ќе ви годат како внатрешно, така и надворешно.

Доколку не сакате да одите во теретани, а сепак размислувате за топ форма во летните месеци, време е да се посветите на јога.

Ако не можете од првпат да успеете да ги направите сите вежби, не се откажувајте, почнете со полесните и постепено ќе успеете. 

10 јога вежби кои ќе ви го затегнат цело тело и со кои ќе се чувствувате подобро:

Вежба 1 - за трупот

Легнете на под потпрени на подлактиците. Оттурнете се од подот кревајќи се на прсти. Телото треба да остане исправено и останете во таа положба од 15 секунди до минута ипол (со тек на време, зависно од напредокот).

Вежба 2 - за долниот дел на стомакот, предниот дел на бутовите и рамената

Седнете на под и наведнете се наназад кревајќи ги нозете нагоре исправено. Балансирајте со задникот и формирајте ја буквата „V“ помеѓу половината и бутовите. Рацете исправете ги нанапред во висина на рамената.

Останете во оваа положба 30 секунди (постепено накачувајќи до 1 минута).

Вежба 3 - за бутовите, колковите и горниот дел на грбот

Исчекорете нанапред со едната нога додека не постигнете прав агол, а другата нога останува исправено зад вас. Кренете ги рацете над глава и исправете го грбот.

Останете во оваа положба 30 секунди и потоа сменете ги страните.

Вежба 4 - за бутовите и задникот

Спојте ги стапалата, свиткајте ги колената и спуштајте се со колковите надолу кон подот како да седнувате на столче. Исправете ги рацете над рамената со дланките свртени една кон друга.

Останете во оваа положба 30 секунди и постепено зголемувајте до минута.

Вежба 5 - за цело тело, најмногу за долниот дел

Поткренете ја едната нога од земја додека стоите исправено и свиткајте ја под прав агол, ставајќи го стапалото на внатрешноста од бутот на другата нога (со прстите надолу). Рацете држете ги исправени пред или над вас со споени дланки.

Останете во оваа положба 15 секунди и потоа повторете со другата нога.

Уште 5 вежби на следната страна...