Слабеење со помош на скали - 5 вежби кои ќе го стопат вашето тело

Самата помисла да излезете на овие високи темпратури за да вежбате можеби ви предизвикува лошење. Време е за поинаков тип на вежби кои може да го направите во удобноста на вашиот дом или двор. Сè што ви е потребно е само една повисока скала и топењето масти може да започне.

Испробајте ги овие 5 едноставни вежби кои нудат одличен ефект за салцето околу стомакот, како и обликувањето и зајакнувањето на рацете, задникот, бутовите и нозете:

Вежба 1

Наместете ги стапалата на раздалеченост како на сликата, под агол од 45 степени.

Цврсто потпрете ги рацете на скалата во зададената позиција и полека наведнете се, но внимавајте задникот да не ја допре земјата. Рацете треба да го носат најголемиот товар при оваа вежба, односно вратот и рамениците треба да бидат опуштени.

Повторете ја вежбата најмалку 10 пати.

Вежба 2

Наместете ја ногата во правилна „lunge“ позиција како на сликата. Внимавајте на аголот на свиткување на предната и задната нога. Спуштете се на предната нога најмногу што можете, но внимавајте на држењето на останатиот дел од телото, односно грбот и рамениците кои треба д се исправени.

Во зависност од вашата физичка кондиција може да се задржите во оваа позиција околу 20 секунди, а потоа да ја смените ногата или пак благо да се спуштате и кревате со помош на предната нога во кратки, но силни импулси.

Вежба 3

Седнете на крајот на скалата држејќи се со помош на рацете и наместете ги нозете во прикажаната позиција под агол од 90 степени.

Полека исправете ги нозете, но внимавајте да не ви паднат надолу. Фатете ги со помош на рацете и двете кренете ги истовремено колку што можете поисправено. Повторете ја вежбата најмалку 10 пати и внимавајте нозете да ви се постојано споени при кревањето.

Ќе почувствувате силно „горење“ во стомакот бидејќи овие мускули се особено активни за време на вежбата.

Вежба 4

Поставете ги рацете свртени хоризонтално и нанадвор како на сликата и наместете се во солидна „plank“ положба. Наизменично кревајте ја едната, па другата нога нагоре, но внимавајте да не се клатите премногу, односно држењето на остатокот од делото да остане цврсто и сигурно.

Додека ја кревате едната нога држете се само на прстите од другата нога која е на земја, и внимавајте двете да се благо раздвоени за посилен ефект.

Вежба 5

Оваа вежба е практично обратна од претходната, наместо задно имате предно кревање на нозете една по друга. Рацете треба да се цврсто позиционирани на скалата во исправена положба.  Не смеете да дозволите задникот да „падне“ на земјата.

Цврсто држете го во воздух со исправен грб најмногу што можете и благо, но енергично кревајте ги нозете една па друга наизменично. Додека едната нога ви е во воздухот,  другата на земја треба да се држи само на задниот дел од стапалото.

(О)Милена | Црнобело