Сте се запрашале зошто мачињата мјаукаат?

Ако некогаш во животот сте чувале мачка, сигурно неколку пати сте си го поставиле ова прашање.

Всушност, нема човек кој не сака да знае зошто мачките мјаукаат додека другите спијат или додека се галат.

Мачките кои живеат во дивината испуштаат типични звуци како ‘ржење и мјаукање за време на борба или парење. Така што значењето е јасно - или се лути, исплашени или сакаат да ја импресионираат другата единка.

Меѓутоа обичното „ мјау“ може да биде збунувачко за луѓето.

Интересно е што стручните лица звукот „мјау“ го поврзуваат со плачот на бебето, односно дека секое маче мјаука кога сака нешто и има одредена потреба.

Но, мачките може да мјаукаат на различни фреквенции, тонови и должини. Мјаукањето како молба да ја отворите вратата може да звучи потполно поинаку од мјаукањето за храна.

Сите тонови и должини на мјаукање се нормални, сè додека не станат континуирани и опсесивни.

Во овој случај, мачето треба да го однесете на преглед за да утврдите дека физички и здравствено е во ред.