Пријателство меѓу јарец и магаре вредно и за штрајк со глад (видео)

Приказната за пријателството меѓу еден јарец и магаре кои биле разделени e неверојатна. Биле неразделни другарчиња кои без оглед на разликите, одлично се сложувале и се дружеле. Заедно си играле, јаделе, спиеле, биле поблиски и од семејство.

Но, еден ден биле разделени и пренесени од Јужна Калифорнија, каде биле сместени на различни места.

Никој не помислил на тоа како ќе се чувствуваат и како ќе влијае на нив. Од денот кога ги разделиле, јарецот престанал да јаде, не излегувал од шталата и одбивал да прави што било во текот на тие 6 дена.

Буквално штрајкувал со глад поради прекинатото пријателство. Тоа го забележале и волонтерите кои работеле во прифатилиштето за животни, па побарале да го вратат магарето за да си го продолжат нивното пријателство.

Штом го довеле, уште пред да го види, јарецот го насетил дека е во близина, па брзо излегол надвор.

На неговата радост и среќа им немало крај. Целосно се променило неговото однесување. Почнал да трча околу магарето , да потскокнува и едвај чекал да јадат заедно.

Изгледа неверојатно, но животните имаат силни чувства и знаат да го ценат вистинското пријателство, понекогаш и подобро од луѓето.

Ова пријателство навистина е вредно и за штрајк со глад: