Марко и Мартина се брат и сестра мечки кои се преселија од Скопје во Швајцарија - сега уживаат на Алпите

Мечињата се брат и сестра и со години живееја одделено во две различни живеалишта, каде само се мирисаа, но не се гледаа, а сега се заедно и среќни на Алпите.

Пред скоро точно една година, на 21-ви мај 2022, мечките Мартина и Марко од скопската зоолошка заминаа во преубавиот Ароса парк во Швајцарија.

Мечињата се брат и сестра и со години живееја одделено во две различни живеалишта, каде само се мирисаа, но не се гледаа.

ЗОО Скопје и здружението Four Paws заеднички одлучија дека најдобро решение за благосостојба на мечките ќе биде да заминат во еден од резерватите на Four Paws.

Тина Мицковска, активист за правата на животните беше главен иницијатор за соработката и патувањето на мечките.

По краток период на адаптација, во Ароса се случи и првата средба на Марко и Мартина, која беше многу емотивна. Оттогаш, оттаму постојано објавуваат видеа и фотографии од двете мечки, кои живеат заеднички со уште две мечки, спасени од Албанија.

Но, сега со новиот живот тие имаат и нови имиња и се викаат Сем и Џамила.

На последните фотографии се гледа дека уживаат во живописната природа на Алпите:

С. С. | Црнобело