8-те најсилни (и најсмртоносни) земјотреси во последните 100 години

Земјотрес во Сендај (2011) – 9 степени

На 11 март 2011 година, регионот Сендај на јапонскиот остров Хоншу беше погоден од земјотрес со јачина помеѓу 8,9 и 9,1 степени.

Земјотресот предизвика и цунами со висина од најмалку десет метри кое потопи цел брод со патници, како и патнички воз на островот.

Ова е земјотресот што ја предизвика нуклеарната катастрофа во Фукушима.

Во земјотресот загинаа речиси 20.000 лица, околу 6.000 беа повредени, а над 2.500 се водат како исчезнати.

Материјална штета се проценува на околу 360 милијарди долари.

Земјотрес во Чиле (2010) – 8,8 степени

Крајбрежјето на Чиле беше погодено од земјотрес со јачина од 8,8 степени на 27 февруари 2010 година.

Потресот траел околу три минути и бил почувствуван од речиси 80% од населението.

По земјотресот имаше и цунами кое предизвика штета во неколку крајбрежни градови на Чиле и помала штета во Калифорнија и јапонскиот остров Хоншу.

Во катастрофата загинаа 525 лица, додека 25 се водат за исчезнати.

Материјалната штета се проценува на околу 5 милијарди долари.

Земјотрес во близина на Суматра, Индонезија (2005) – 8,6 степени

На 28 март 2005 година, Индонезија беше погодена од третиот најсилен земјотрес во нејзината историја.

Земјотресот се случи во близина на Суматра, но бил почувствуван дури 1.000 километри подалеку, во Тајланд.

Не е познат точниот број на жртви, но се претпоставува дека загинале помеѓу 915 и 1.314 лица.

Имало и голем број повредени – помеѓу 340 и 1.146.

По земјотресот луѓето стравуваа дека ќе се повтори цунамито од 2004 година, но, за среќа, овојпат беше значително помало и предизвика релативно мала штета.

Земјотрес во Индискиот Океан (2012) – 8,6 степени

На 11 април 2012 година во Индискиот Океан имаше два земјотреса со јачина од 8,6 и 8,2 степени.

И покрај јачината, поради оддалеченоста на земјотресот од брегот, немаше многу загинати – околу 10 лица.

Сепак, околните земји стравуваа дека ќе има големо цунами, но тоа не се случи.

Спирова С. | Црнобело