29-годишна двојничка на Ријана: „Заработувам благодарение на тоа што ги усовршив нејзините манири, стилот и шминката“
Нешто поголемо од привлекувањето на медиумската лупа поради сличноста со славна личност е всушност токму нејзината реакција. Токму тоа ѝ се случи на Присила Беатрис, 29-годишна девојка чија сличност со Ријана навистина воодушевува.
Присила Беатрис можеби не е единствената особа слична на Ријана, но дефинитивно е најпознатата. Со над 700.000 следбеници на Инстаграм и 2,9 милиони следбеници на ТикТок, може да се каже дека таа е сензација на социјалните мрежи сама по себе.
Присила се прослави имитирајќи ја суперѕвездата од Барбадос, а обожавателите на Ријана ширум целиот свет тежнеат да добијат автограм или да се сликаат со неа. И кој би можел да ги обвини? Сличноста е толку неверојатна, што би биле во искушение да помислите дека таа е идентична сестра близначка на Ријана.
Присила Беатрис беше забележана и од националната телевизија во нејзината родна земја Бразил, особено откако големата Ријана на едно од нејзините видеа остави коментар кој гласеше: „Каде е албумот сестро?“.
Беатрис воодушевена поради забележувањето ја споделила размената на нејзиниот Инстаграм профил, пишувајќи:
„Сè уште не можам да верувам!!! Страницата @theshaderoom го сподели моето видео на нивниот профил и ГОЛЕМАТА РИЈАНА @badgalriri го виде моето видео и коментираше! Знаете ли што чувствувам во моментов? Не можам да престанам да плачам од емоции! Од среќа! Тоа е сон!!! Бог е толку прекрасен“.
Беатрис првпат стана вирална на Интернет поради нејзината неверојатна сличност со Ријана во 2020 година, а нејзината популарност оттогаш непрекинато расте.
Иако е лесно да се припише успехот на Беатрис исклучиво на случајноста, во реалноста оваа инфлуенсерка вложи многу труд, проучувајќи ја шминката, стилот и манирите на Ријана со цел совршено да ја имитира. Со помош на нејзиниот тим шминкањето за снимање на 29-годишната девојка ѝ одзема повеќе од еден час, а во спротивно би ѝ требало уште подолго.
Бразилката изјави дека ја започнала својата кариера како имитатор откако нејзините пријатели постојано ѝ велеле дека личи на Ријана. Таа почнала да се фокусира на имитација на поп-ѕвездата, за набрзо луѓето да ја забележат и нејзините онлајн профили да се кренат во воздух. Денес, таа заработува за живот како онлајн инфлуенсер благодарение на сличноста со светската ѕвезда.
Во продолжение повеќе фотки и видеа од неверојатната двојничка на Ријана, Присила Беатрис:
Мила М. | Црнобело
Би можело да ве интересира:
Препорачуваме
Најчитани неделава
