Луѓе споделуваат популарни стереотипи за нивните земји – кои се вистина, а кои лага?

Многумина мислат дека Австралија е опасна поради многуте диви животни, а дека во Египет сите јаваат камили – дали сте слушнале некој забавен стереотип за Македонија и дали бил точен?

За секоја земја и за секој народ во светот постојат одредени стереотипи. Некогаш овие стереотипи можат да бидат и навредливи и затоа не би требало да веруваме во нив. Некогаш, пак, се само забавни и го истакнуваат нашето незнаење за одреден народ или одредена земја.

На Редит неколку корисници ги споделија нивните омилени стереотипи за земјата од којашто потекнуваат.

Повеќето секако се лага, но некои корисници велат дека во дел од стереотипите има и доза вистина.

Најзабавните стереотипи во продолжение:

Египет: „Сите јаваме камили. Јас сум Египќанец и немам видено ниту една камила во мојот живот“.

Швајцарија: „Сè е чисто и сè е многу скапо – да, сето ова е вистина“.

Канада: „Сите сме многу учтиви и ставаме јаворов сируп на секоја храна. Вистина е само тоа со јаворовиот сируп“.

Јужна Африка: „Дека немаме асфалтирани патишта, градови, струја или што било модерно. Дека ова е џунгла полна со животни и сите живееме во колиби од кал. Не можам да кажам дека овие стереотипи ме прават гневен, но дефинитивно ме изненадуваат“.

Индија: „Дека јадеме само кари. Ние имаме илјадници традиционални јадења и не се сите лути“.

Полска: „Дека целата земја е сива и депресивна. Во реалноста, Полска е многу убаво место со прекрасна природа“.

Германија: „Нашиот стереотип најдобро се кажува со шега: ’Колку Германци се потребни да се промени сијалица? Еден‘. Навистина сме ефикасни и без смисла за хумор“.

Франција: „Дека сме непријатни, не се тушираме редовно и со нас секогаш носиме багет“.

Шкотска: „Не е точно дека сите пиеме виски и носиме здолништа“.

Продолжува на следната страница...