Ја нарекуваат Златокоса и Елса – 27-годишната Џоси има коса долга цели 120 сантиметри (фото)
Ја нарекуваат „Златокоса“ затоа што со долгата коса до колениците потсетува на познатиот лик од детската бајка на браќата Грим. Џоси Оди има 27 години и е мајка на едно дете. Таа ги открива своите тајни за негуваната коса што кај неа стига до под колениците, односно има должина од 120 сантиметри.
Џоси е домаќинка што се грижи за 4-годишниот син Роко, а открива дека ја расте косата цели десет години. Прекарот „Златокоса“ често го слуша кога ќе излезе на улица. Имало мигови кога сосема непознати луѓе од неа барале да се маскира во познатиот лик од бајките за детски забави.
Таа појаснува дека одлуката да ја расте косата дошла сосема случајно. Пред една деценија почнала да ја расте косата за да види колку долга ќе порасне. Во моментов нејзината коса е со импресивна должина од 120 сантиметри и достига до под колениците.
https://www.instagram.com/p/CG7u6QgBH1S/
„Пред околу 10 години косата ми беше до рамениците и само одлучив дека ќе се обидам да ја израснам и да видам колку долга може да ја чувам. Мислам дека не очекував дека ќе биде толку долга, но навистина се грижев за неа, па така таа само расте. Сега сите ме знаат како 'девојката со долгата коса'.
Не можам да се замислам себеси со боб фризура. Нема да се чувствувам нормално. Ќе продолжам да ја растам за да видам колку може да порасне. Би сакала да се обидам да ја пораснам токму до подот, за да не ми се случи да застанам на неа или да се сопнам од неа“ – вели Џоси.
Нејзината долга коса некогаш ѝ носи и непријатности. Џоси признава дека понекогаш ѝ се случува таа самата или нејзиниот партнер Адам да седнат на нејзината коса и тоа е мошне болно за неа.
Што се однесува до споредбите со ликовите од бајките и од цртаните филмови, Џоси вели дека на секое излегување ѝ се случува по најмалку 20 пати да ја застанат и да ја прашаат за косата. Најчесто ја прашуваат дали има екстензии и најчесто никој не ѝ верува дека тоа е нејзината природна коса.
„Веќе се навикнав да ме застануваат и да ме прашуваат за косата. Но за моите пријателки е вознемирувачки тоа што луѓето постојано нè застануваат“ – вели таа.
„Мојата коса често привлекува внимание и кај малите девојчиња што ме споредуваат со Златокоса или јунаците од Frozen. Дури ми се случило некои мајки да ме прашаат дали би се појавила како Златокоса на забавите на нивните деца, што мислам дека е смешно. Не би имала самодоверба да направам нешто такво“.
Кога станува збор за тајните за негуваната коса, таа открива дека избегнува да ја изложува на топлина и ја мие еднаш до двапати неделно со цел да ги зачува природните масла. Според неа, она што навистина придонело за побрз раст на нејзината коса е тоа што редовно ја крати.
„На секои два месеци кратам околу 1,5 сантиметри и тоа навистина прави разлика. Косата ми расте дури и повеќе по секое кратење. Ми се допаѓа тоа што мојата коса е здрава, затоа што кога ќе видите некои луѓе со долга коса, можете да забележите дека врвовите им се раздвоени или неуредни.
Кога ќе ја погледнете мојата коса, ќе видите дека е еднакво исечена и целосно е во една должина. Нема прекини, ниту раздвоени врвови. Ќе ја растам сè додека е здрава“ – вели Џоси.
Таа признава дека големата должина особено ѝ пречи во летниот период, кога се чувствува како да има ќебе на грбот.
„Нема да ја скратам сè додека не остарам за да имам толку долга коса и не почнам да изгледам смешно. Мислам дека косата ме прави своја во моментов“ – вели таа.
Повеќе фотографии од Џоси во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
