„Третманот е одличен, но внимавајте каде го правите“ – Инфлуенсерка отворено прозборе за лошото искуство со ботокс
Витни од Чикаго двапати годишно оди на третман со ботокс, но неодамна добила несакана реакција. Таа вели дека ова нема да ја натера да се откаже од ботокост, но следниот пат внимателно ќе одбере кај кого ќе го прави, а ги советува и нејзините следбеници да бидат претпазливи.
Витни Буха е инфлуенсерка од Чикаго која отворено кажува дека двапати годишно става ботокс. За разлика од повеќето инфлуенсерки кои кријат дека одат на слични третмани, Витни со задоволство го споделува нејзиното искуство, а следбениците ја сакаат токму поради искреноста.
Откако наполнила 30 години, Витни решила да проба ботокс, па сега оди на третман двапати годишно. Но, од последниот третман добила несакана реакција, па сега апелира до нејзините следбеници да внимаваат кај кого ќе ги прават ваквите третмани.
Витни била во салон за убавина во близина на нејзиниот дом, каде што ѝ направиле третман со ботокс. Следното утро младата жена забележала дека левата веѓа ѝ е малку спуштена, па после шест дена повторно отишла во салонот за да го средат проблемот. Но, кога Витни се погледнала во огледалото после овој третман забележала дека нејзиното лево око е делумно затворено и не можела да го отвори.
Витни мислела дека проблемот ќе се исправи сам, но по неколку денови забележала дека ѝ се замаглува видот. Тогаш почнала да паничи и да стравува дека можеби ќе го изгуби видот, но кога се консултирала со лекар, тој ѝ кажал дека проблемот не е опасен.
Бидејќи Витни е инфлуенсерка и секојдневно објавува снимки и видеа, на почетокот го покривала окото со косата. Сепак, решила да го сподели искуството со следбениците, најмногу за да ги натера внимателно да одберат каде ќе прават вакви третмани.
„Ова е засрамувачко и ми влијае врз самодовербата, но веќе кога не можам да направам ништо, зошто да не се шегувам за тоа?“
Штом им кажала на следбениците дека имала мала незгода со ботокс, тие веднаш почнале да ја прашуваат што точно се случило, па Витни ја споделила целата приказна.
„Луѓето се многу заинтересирани и сакаат да знаат што се случува“, вели таа.
Кога Витни сфатила дека ќе нема сериозни последици од реакцијата, почнала и да се шегува на своја сметка. Следбениците, пак, се восхитени од нејзината искреност.
Наводно, оваа реакција на третман со ботокс се случува ретко и настанува кога течноста од ботоксот завршува во мускулот што го контролира очниот капак. Витни се консултирала со пластичен хирург и неколку лекари, па сега користи терапија со капки. Лекарите ѝ предложиле да направи уште еден третман со ботокс, бидејќи наводно ќе ѝ помогнел.
Витни вели дека го направила и тој третман и окото ѝ било подобро, а во меѓувреме користи и други третмани, како нежна масажа на капакот, за да го забрза закрепнувањето.
Младата жена открива дека ѝ се допаднале шеговитите коментари на нејзина сметка, но и дека ова искуство нема да ја натера да се откаже од ботоксот. Наместо тоа, сега повнимателно ќе избира каде ќе го прави, а ги советува и следбениците да внимаваат на тоа.
„Ако сакате ботокс, направете го кај искусна и проверена личност и не грижете се. Според мене, изгледа одлично и прави да се чувствувам многу подобро“, вели таа.
Спирова С. | Црнобело
Би можело да ве интересира:
Препорачуваме
Најчитани неделава
