Весна, Ирис и уште 3 прекрасни женски имиња кои симболизираат пролет

Од пролетта нè дели еден месец и сите ја очекуваме со нетрпение. Сезоната на нови почетоци, на будењето на природата, на сончевите зраци и стоплувањето.

Но, дали сте се запрашале кои македонски имиња симболизираат пролет? Откријте веднаш:

Весна на руски означува буквално „пролет“. Таа воедно е и старословенска божица на младоста и пролетта, за која се верува дека владеела со сончевата топлина, а со самото тоа влијаела и на почетокот на пролетната сезона.

Лада е ќерката на Весна, божица на летото, љубовта и убавината. Нејзиното владеење се зајакнува со зголемувањето на сончевата енергија.

Ирис, според грчката митологија, е божицата на виножитото. Таа секогаш е прикажана како прекрасна, млада жена облечена во разнобојни фустани.

Маја, која во својата основа буквално го содржи месецот „мај“, е римската божица на полињата и плодовите, а сето ова е неминовно поврзано со пролетта.

Анастасија потекнува од грчкиот збор Анастасиас, што значи повторно раѓање, воскреснување и преродување. Анастасија слави именден на Велигден, еден од најубавите пролетни празници, а самото име симболизира нов почеток, преродба, она по што е познато првото годишно време.

Доколку познавате некој што ви значи, а носи некое од гореспоменатите прекрасни имиња кои ја најавуваат пролетта, означете ја во коментар и посакајте ѝ убав викенд.

(О)Милена | Црнобело