Добра мајка, разиграна, великодушна – кое е значење на името Маја?

За потеклото на ова име има повеќе теории. Според една од нив се смета дека името потекнува од древната божица во грчката митологија. Зевс се вљубил во неа, а Маја му го родила синот Хермес.

Во римската митологија, Маја се смета за божица на плодноста и пролетта, па токму затоа еден пролетен месец го носи ова име – мај. Според некои толкувања името е со корен „ма“ што значи „добра мајка“ и „великодушност“.

Значење на името според христијанското толкување: потекнува или од латинското maius, maior што би го имало истото значење со словенското име „Велика“, или претставува скратена форма од Марија. Во народното предание се поврзува со пролетта, односно со пролетниот месец мај.

Во индиската митологијата Маја е божица на илузијата и нереалното, а самото име симболизира „илузија“.

Маја е особено популарно име не само на балканскиот простори туку во целиот свет. Симболизира ново раѓање, живост, будење, а личностите кои го носат ова име се креативни и мошне оригинални. Љубопитни се, постојано сакаат да учат нешто ново и имаат желба за нови знаења, патувања и запознавање нови луѓе.

Означете ја вашата омилена Маја во коментар.

(О)Милена | Црнобело