Мудра, внимателна, блескава – името Сања значи да се сонува

Името Сања има српско потекло изведено од глаголот „sanjati“ (да се сонува). Машкиот облик на името е Сањин. Постојат и неколку анализи дека името е изведенка од женското име Александра (машко Александар), но ова е малку веројатно.

Сања е секако прекрасно, женствено име кое беше особено популарно на просторите на поранешната Југословенска Република. Сања ќе ја запознаете во Србија и Хрватска, но и во Босна и Херцеговина, Црна Гора, Словенија и секако – Македонија.

Интересно е што името Сања нема да го најдете на списокот на 100-те најпопуларни женски имиња во последните 15 години во ниту една од наброените земји во регионот. Иако некогаш било особено популарно, се чини дека името Сања паднало во заборав.

Денес се во тренд кратки имиња, па Сања дефинитивно би требало да се врати во списокот на потенцијални опции за име на девојче. Има прекрасно значење, кусо име, лесно се изговара и станува збор за име кое „влече“ корени од Балканот.

Сања сепак е едно од најопеаните имиња во многу Ју-песни. Што се однесува до значењето, Сања симболизира сонување, нереалност, убава како сон.

На германски Сања означува мудрост, внимателност, а варијантата на арапски – Сани симболизира блескава, сјајна жена.

Дали вие имате некоја блескава Сања во животот?

(О)Милена | Црнобело