Најморничавите видови на смртна казна во историјата

Смртната казна е скоро искоренета форма на санкционирање. Но постојат земји како САД, кои сè уште го користат убиството како казна, а истото важи и за земјите во арапскиот свет и во Азија и Африка.

Во антиката и во средниот век не се користеле „модерни“ средства за казнување, туку се применувале различни методи за најострата казна.

Ова се најлошите видови на смртна казна во човечката историја:

Газење со слонови - Африка и Азија - од антиката до 18 век

За разлика од коњите, кои претежно ги прескокнуваат луѓето, слоновите се далеку поблагодарни „со нивната соработка“. Тие биле чест фактор во воените кампањи во антиката, а Ханибал ги користел при преминувањето на Алпите во нападот врз Римската Република.

Така, овие големи животни биле користени да газат луѓе.

Набивање на колец - Европа, Азија - од антиката до 20 век

Оваа пракса е стара колку и државите. За прв пат се споменува во Кодексот на Хамураби, пред 3.800 години, кога оваа казна била предвидена за некоја жена која го убила сопругот заради друг маж.

Оваа форма на убиство подоцна се среќава во античкиот Рим. Во 17 и 18 век, предавниците на државата и соработниците на непријателите во војната биле казнувани на овој начин.

Најпознат по оваа техника бил Влад Трети Тепеш (Дракула) кој ги казнувал сите на ист начин. Од германските рудари до Унгарците, питачите и крадците, па сé до Турците.

Готвење во котел - Монголија, Јапонија, Европа

Иако можеби прво помисливте на африканските канибали, но во криво сте. Канибалите никогаш не направиле такво нешто и нивната цел не била смртна казна, туку - исхрана.

Убивањето со жешка течност е илјадагодишна пракса. Во Азија ја користеле Монголите, кога ги казнувале старешините на поразениот клан.

Сличното го правеле и самураите во Јапонија, во 15 и 16 век.

Во Европа, истурање на жешка вода, катран и животински масти или олово било наменето за измамниците. Во Англија овој метод се користел за казнување на тровачите.

Скафизам - Стара Персија - Антика

Античките Персијци создале сè, како и еден прилично страшен вид убиство.

Методот го добил името според Грците, кои први го документирале овој хорор. Името потекнува од грчкиот „Скафос“ (направена вдлабнатина), бидејќи осудениот се наоѓал помеѓу две шупливи чамци или стебла, додека рацете, нозете и главата му биле надвор.

Потоа во шуплината се истурало млеко или мед. Од време на време на осуденикот му биле давани слатки јадења, за да добие дијареја. Потоа телото го напаѓале инсектите, пчелите и другите бубачки. По некое време, осуденикот умирал од гангрена.

Бикот на Фаларис - Античка Грција и Антички Рим - од 6 век п. н. е. до 5 век

Бронзениот бик (уште нарекуван и Сицилиски бик) бил измислен од Перил од Атена, некаде помеѓу 570 и 554 година п. н. е. Бикот бил нарачан од Фаларис од Акрагант, Сицилија.

Бикот одвнатре бил шуплив, а одоздола се палел оган. Жртвите биле печени живи, а чадот и врeсоците излегувале од носот на бикот, кој бил наполнет со темјан за да се сузбие мирисот на изгорено месо.

Штом ќе завршело спалувањето, од коските на убиениот се правеле бразлетни, што Фаларис често ги носел.

На крајот и Фаларис завршил во утробата на бронзениот бик, откако градот бил освоен од Телемах во 554 година п.н.е.

Железна девица - германски земји и Шпанија - 18 век

Оваа направа за мачење обично изгледала како железен ормар со шиллци во внатрешноста, доволно голем за да собере еден човек. Во внатрешноста, жртвата не можела да мрдне, заради големиот број на остри, челични шиллци.

Во исто време оној што ја испрашувал жртвата можел да го боде со нож или со други остри предмети. Жртвата обилно умирала од загуба на крв или задушување.

Ашера | Црнобело