Оптички илузии што вистински ги збунија луѓето низ целиот свет

Ретко кога оптичките илузии нè оставаат рамнодушни. Веројатно се сеќавате кога никој не можеше да погоди дали фустанот е син или бел, или кога никој не знаеше дали на аудио снимката се слуша Yanni или Laurel...

Покрај овие, на интернет се имаат појавено и бројни други илузии што и до денес не ни се целосно јасни, а во продолжение погледнете некои од најчудните:

Фотографијата што изгледa како да е во боја

Оваа фотографија вистински ги раздвижи мозоците на интернет корисниците. Фотографијата изгледа како да е во боја, кога всушност е црно-бела.

Авторот го постигнал ефектот со тоа што додал мрежа од шарени линии на силуетите на луѓето.

Фотографија што изгледа црно-бело

Оваа фотографија ја објави Холи Меки на нејзиниот Twitter профил. Таа ги фотографирала закачалките со детска облека во еден трговски центар.

На почеток изгледа како фотографијата да е црно-бела, но Холи докажа дека ова не е вистина објавувајќи и видео од местото.

Мачка што гледа во вас

На ова видео се гледа објава за исчезната мачка. Интересното е што изгледа како мачката да ја врти главата кон личноста што ја чита објавата.

Причината за оваа илузија е нерамната површина на којашто е залепен плакатот. Поради ова фотографијата изгледа различно во зависност од тоа од каде ја гледате.

Хеликоптер што полетува без вртење на перките

На ова видео изгледа како хеликоптерот да полетува без воопшто да ги мрдне своите перки. Но причината за ова е тоа што брзината на ротација на перките е иста со бројот на слики во секунда на камерата.

Уште 3 оптички илузии на следната страна...