Каде се ставате себеси на вашата листа на приоритети и што да промените?

Дали си посветувате доволно внимание себе? Умеете ли да си кажете „да“ за вашите лични потреби и желби?

Сигурно многу лесно ќе се сетите на сите работи кои ги правите за своите најдобри пријатели, за семејството, за партнерот или децата.

Умеете да им дадете комплименти, да ги охрабрите кога им е тешко, да им поделите по некој совет, па дури и да им простите и некои поголеми грешки.

Но, го правите ли истото за себе? Каде се наоѓате на вашата листа на приоритети?

Многумина се воспитувани со верувањето дека е многу себично да се ставаат себе на прво место. Но, ова е сосема погрешно.

За некој да може да се грижи за другите, мора пред сè да знае да се грижи и за себе. Затоа, најпрво треба да мислите на себе, не на себичниот начин, туку тоа да го правите со самодоверба и внимание.

Како да започнете?

Издвојте три нешта од вашите желби што ви се навистина важни. Ако треба, запишете ги и на лист хартија.

Но, внимавајте и како ја формулирате желбата. Наместо „Сакам да патувам“, наведете си конкретна дестинација, на пример „Сакам да заштедам доволно пари за одмор со децата“.

Бидете конкретни во поставувањето на својата цел и внимавајте на деталите. На тој начин ќе успеете полесно да се посветите на себе, но и да ги исполните своите желби и очекувања, бидејќи точно знаете каде сте тргнале.

Е. Д. | Црнобело