YouTube канали за внатрешно патување во човекот

Сите сме свесни колку YouTube зазема дел од животот на човекот, а посебно кај помладата генерација, која ужива да гледа смешки видеа и предизвици од нивните виртуелни херои.

Но, за сите кои бараат посуштински материјал и кои сакаат да добијат ново знаење, и за нив има решение на оваа интернет платформа. Секако дека ваквите профили не се во голем број како останатите, но постои значителна бројка од кои може да извлечете клучни информации кои ќе го засегаат некој сегмент од вашиот живот.

Ако имате време, ѕирнете некој од следните канали:

Aaron Doughty

Овој јутубер на својот канал има преку 316.000 претплатници и креира практични видеа за зголемување на личната самосвест кај човекот, го опфаќа законот на привлекување и техники и модули за зајакнување на личноста.

Видео материјалот е исполнет со проблематики што го засегаат денешниот човек и во истите може да се најдат различни парадигми, од филозофија, психологија, наука, духовност и многу повеќе.

Actualized.org

Навистина поразличен YouTube канал од кој може многу да се научи. Залудно нема 750.000 претплатници и стотина илјади прегледи на секое видео. На овој канал има преку 80 часа видео материјал за личен развој и примери и совети како да се ослободите од наметнатите верувања и да почнете да живеете на вистински начин.

Откако ќе го изгледате првото видео, после тоа нема да сакате да престанете да се надополнувате себеси.

Meditative Mind

Тимот на овој YouTube канал, кој наскоро ќе достигне 1.200.000 претплатници создаваат музика за медитација, исцелувачки звуци базирани на solfeggio фреквенција, разновидни мантри и музички концепти кои ќе те пренесат на едно поразлично ниво на постоење.

Никогаш не треба да заборавине дека внатрешното патување, секогаш е најдобрата опција. 

Автор: Евгениј Хоуп | Црнобело