Се заколнуваат на тајност до крајот на животот – Строгите правила што ги следат агентите на ЦИА

Нормално, мора да се заколнат на лојалност на САД и ако ја предадат државата на каков било начин, ќе бидат строго казнети.

Кога ќе се спомне ЦИА, обично си замислуваме некој како Џејмс Бонд или Џејсон Борн.

Иако можеби омилените агенти се инспирирани од некои вистински личности, животот на повеќето вработени во ЦИА не е баш како на филм.

Но, сепак, барем агентите, мора да следат некои строги правила.

Дел од нив во продолжение:

Мора да се заколнат на лојалност на САД

Ова е очигледно бидејќи станува збор за американска разузнавачка агенција, но агентите навистина мора да ја докажат своја лојалност.

Ова значи дека за секоја постапка со која ја загрозуваат земјата на кој било начин, можат да бидат строго казнети.

Мораат да се заколнат на тајност

И ова е уште очигледно правило, но кое во ЦИА оди до екстреми.

Агентите се заколнуваат на апсолутна тајност, односно не смеат да зборуваат за никоја тајна операција ниту изворите што ги користат.

И, ова важи до крајот на нивниот живот, не само додека се во агенцијата.

Во спротивно, секако, ќе бидат казнети.

Нивните онлајн профили се строго контролирани

Агентите на ЦИА не се соочуваат со забрана за користење социјални мрежи, како Фејсбук, но мора да слеат некои правила.

Најпрво, тие никако не смет да користат социјални мрежи додека се на работа.

Во нивните објави, пак, никако не смеат да ја спомнат ЦИА или што било поврзано со нивната професија.

Не смеат да ги означуваат или спомнуваат нивните колеги и не смеат да ја споделуваат нивната локација.

Неретко дури се советувани и во пријатели да немаат никој од агенцијата.

А, надлежните ја следат онлајн активноста на кандидатите за агенти уште пред да ги вработат.

На пример, ако викнат некој на интервју, а тој подоцна се пофали онлајн, најверојатно нема да го вработат, колку и да се соодветен за позицијата.

Соработка со ФБИ не е така лесна како во филмовите

Разликата меѓу ФБИ и ЦИА е нивната јурисдикција.

Односно, ЦИА не смее да шпионира жители на САД, додека ФБИ ја има таа дозвола.

Па, кога од ЦИА сакаат да следат Американец, некогаш мораат да соработуваат со ФБИ.

Но, пред да ја почнат соработката, агентите мора да состават формално барање со детални инструкции и стратегија.

Потоа, директорот на ЦИА или некој друг надлежен одлучува дали ќе го испрати барањето.

И, сето ова може да потрае.

Не е препорачливо да се венчаат со луѓе од други држави

Иако не им е строго забрането, од агентите на ЦИА се очекува да не стапуваат во брак со странски државјани.

Причината била потенцијален судир на интереси и фактот што постоел ризик агентот да стане „лојален на земјата на партнерот“.

Наводно, имало и случаи кога надлежните во ЦИА по секоја цена спречувале бракови меѓу нивни агенти и странски државјани.

Спирова С. | Црнобело