8 смешни „грешки“ на татковците поради кои уште повеќе ги сакаме

Во нашите очи нашиот татко секогаш ќе остане суперхерој, но од време навреме и татковците знаат да направат по некоја грешка. Особено грешка која ќе не натера да се насмеeме и да ги сакаме уште повеќе. 

Погледнете кои се најчестите глупости кои секој татко знае да ги направи:

Кога ви правел „модерна“ фризура како мали.

Која ќерка нема пробано некоја од овие модерни фризури? Кога се работи за својата ќерка сите татковци се вистински експерти за коса. Најчесто завршуваме со опавче, кое не е соодветно центрирано и има помалку или повеќе испуштени прамени.

Кога се обидува да пее некој хит и ќе успее да напише сосема нов текст.

Секој кул татко ги знае најновите светски хитови. Но, кога станува збор за текстот тоа може да биде проблем. И иако ќе го погреши секој збор од вашата омилена песна, никогаш нема да ве остави да пеете сами.

Кога ќе го заборави името на вашите пријатели, девојки/момчиња.

Иако, веќе сте му кажале милион пати како се вика вашата другарка, другар, момче/девојка сепак тато никако да го запамти нивното име.

Кога ќе се обиде да ви подготви некој „специјалитет“.

Кој од нас има пробано неверојатен оброк подготвен од тато? Рацете горе! Сепак им даваме по некој поен за трудот.

Кога се обидува да поправи нешто низ дома и на крај тотално ќе ја „зафркне“ работата.

Секогаш кога тато ќе се обиде да биде електричар, водоводџија или некој вреден мајстор на крај ситуацијата завршува уште полошо од кога почнала. Ќе направи хаос и на крај повторно ќе треба да се јави на мајстор иако мама веќе три пати го предупредила дека тоа ќе се случи.

Кога ќе заборави како ја запознал мама

Секогаш жените се тие кои се сеќаваат на сите настани од минатото. Од некоја се уште мистериозна причина, мажите забораваат на сите детали и важни моменти. На почеток мама ќе му се лути ама по одредено време сите си прифаќаме дека едноставно тато ништо не може да запамети.

Кога ќе дојде со вас на шопинг.

Сите ние без разлика на кој пол припаѓаме си знаеме многу добро кој е врвниот шопинг партнер. И сите сме искусиле како е да отидеш на шопинг со тато. Вистинско фијаско.

Кога ќе се обиде да биде дел од вашето друштво.

Многу често сакајќи да ви докаже дека е во тренд тато ќе дојде со вашето друштво и ќе започне да зборува и да се однесува како тинејџер. Вие ќе се усрамите пред вашите другари, а тој само слатко ќе се изнасмее.

  К. Д. | Црнобело