Кои се 10-те спортисти со најголема заработка за 2018-та, според Forbes?

Доколку размислувате кој спорт е најперспективен и од што најмногу може да се успее, можеби листата на најплатени спортисти ќе ви помогне да сфатите.

Погледнете кои се 10-те спортисти со најголема заработка за 2018-та, според Forbes:

10. Метју Стафорд (НФЛ) 

30 годишниот квотербек на Детроит Лајонс се најде на десеттото место на листата на најбогатите спортисти за оваа година, заработувајќи неверојатни 59.5 милиони долари.

9. Мет Рајан (НФЛ) 

На деветтото место се наоѓа 33 годишниот квотербек на Атланта Фалконс. Тој оваа сезона заработил 67.3 милиони долари.

8. Стеф Кари (НБА) 

Најдобриот шутер во светот во моментов се наоѓа на осмото место на листата на најбогатите спортисти за 2018-та.

Играчот на Голден Стејт Вориорс оваа година остварил приход од 76.9 милиони долари.

7. Роџер Федерер (Тенис)

Најдобриот тенисер на сите времиња продолжува да прави големи пари од она што го сака. Тој во 2018-та заработил 77.2 милиони долари и се наоѓа на седмото место на оваа листа.

6. ЛеБрон Џејмс (НБА) 

Најдобриот кошаркар на денешницата ЛеБрон Џејмс оваа сезона има заработка од неверојатни 85.5 милиони долари. Тоа е доволно за да го смести играчот на Кливленд Кавалирс на шестото место на оваа листа.

5. Нејмар (Фудбал)

Ѕвездата на ПСЖ и воедно капитенот на бразилската репрезентација оваа сезона заработил 90 милиони долари. Зачудувачки оваа заработка е доволна само за петтото место на оваа листа.

4. Конор МекГрегор (ММА/Бокс)

Озлогласениот Ирец оваа година има заработка од неверојатни 99 милиони долари, доволни „само“ за четвртото место на оваа листа.

3. Кристијано Роналдо (Фудбал)

Ѕвездата на Реал Мадрид и дискутабилно најдобриот играч на планетата, оваа година има заработка од 108 милиони долари. Со тоа легендата на португалскиот фудбал се наоѓа на третото место на најплатените спортисти за 2018-та.

2. Лео Меси (Фудбал)

 Легендата на аргентинскиот фудбал и ѕвездата на Барселона, има заработено скромни 111 милиони долари, доволни за второто место на оваа листа.

1. Флојд Мејведер (Бокс) 

Најдобриот боксер на денешницата се најде на првото место на оваа листа. Тој е најплатениот спортист за 2018-та година со заработка од неверојатни 285 милиони долари... односно, повеќе од Меси и Кристијано Роналдо заедно.

еНВи | Црнобело