Најпопуларните жени-пилоти на Инстаграм

Во 2017-та година авионската индустрија сè уште е убедливо доминирана од мажите, но бројот на жени пилоти, полека расте, а самите тие се ѕвезди на Инстаграм заради нивните фотографии од пилотската кабина и светските патувања.

Тоа се жените кои навистина го менуваат изгледот на типично машката професија и претставуваат инспирација и за другите да не се откажуваат од своите професионални соништа.

Неколку жени пилоти кои се Инстаграм ѕвезди:

Ева Клер Марсел (@flywitheva)

Има 31 година и 393 илјади следбеници на Инстаграм. Холанѓанката лета со Boeing 737 и објавува мотивирачки зборови и фотографии.

„Оддалеченоста од соништата и реалноста се нарекува дисциплина“ - поучува таа.

Есер Аксан Ердоган (@echosierra85)

31-годишната Есер е пилот за турската авиокомпанија „Pegasus Airlines“. Како Ева пред неа, така и Есер лета со Boeing 737, а погледот од нејзината кабина секогаш се менува, па и нејзината локација. Патува низ целиот свет и тоа го покажува на сите свои 636.000 следбеници.

Линди Кетс (@pilot_lindy)

Линди е родена во Холандија, а моментално живее во Италија. 23-годишната Линди лета со Boeing 717 авиони и често објавува фотографии од пилотската кабина за своите 451 илјади следбеници.

Марија Фагерстром (@mariathepilot)

Марија има 24 години и е само уште еден млад пилот од Канарските острови која летајќи со Boeing 737 авиони ги инспирира младите жени ширум светот да ги следат своите професионални соништа.

Марија Петерсон (@pilotmaria)

Ова е колешката на Марија Фагерстром која исто така, станува позната на Инстаграм.

Кога не лета, таа оди на кајт сурфинг, јога и разно разни други спортски активности.

Алехандра Манрикез (@babywingz_pilot)

Ова е уште една дама од Мексико која секојдневно ги изненадува своите 722.000 следбеници со фотографии од пилотската кабина.

Н. Г. | Црнобело