Што точно содржи една тегла Nutella?

На Reddit се појави мал дијаграм кој покажува што точно има во една тегла Nutella од кој најверојатно ќе останете без зборови.

Наместо готовиот производ кој го гледаме додека го јадеме, на дијаграмот е прикажана и тегла во која се одвоени сите состојки од кои се прави ова слатко уживање, во нивната оригинална форма.

Секоја тегла се состои од палмино масло, какао, лешници, обезмастено млеко во прав и шеќер.

Секој слој е точен приказ на количината на состојките кои ги има во една тегла Nutella.

Според тоа, може да се заклучи дека една половина од теглата се состои само од обичен бел шеќер.

Сликата стана вирална на Reddit каде беше лајкувана повеќе од 28.900 пати, а оваа информација од компанијата не беше ниту негирана, ниту потврдена.

Но, на нивната официјална интернет страна пишува дека во една лажица која се состои од околу 15g Nutella има 8,5g шеќер што значи дека една тегла има околу 227,2g, што е околу половина тегла од 400g.

Меѓу другите контроверзни состојки е и палминото масло од кое зависи текстурата на кремот и неговата долготрајност. Палминото масло е најевтиното масло на пазарот, а ако Ferrero, компанијата која го прави овој крем, го замени истото, тоа ќе ја чини дополнителни 8 до 22 милиони долари.

Информацијата за состојките не ја потврдуваат, но од компанијата едно тврдат: „Нашиот производ треба да се ужива во умерени количини. Nutella треба да биде дел од балансиран начин на исхрана.“

Н. Г. | Црнобело