Фотографката која „обичните“ жени ги претвора во супермодели

33-годишната Криси Спаркс од Бирмингам е фотографка и сопственик на фото студиото „The Doll’s House“.

Нејзина специјалност е „обичните“ жени да ги претвора во дами како од насловните на модните списанија.

За 3 години, таа досега има направено фотосесии со 1.300 клиенти.

Очекувано, резултатите се неверојатни.

„Речиси сите жени кои дошле во студиото биле нервозни, но секогаш се обидуваме да креираме релаксирана атмосфера за нив“ - изјавила фотографката.

„Поголемиот дел од нив се одлучуваат за ваква фотосесија за да си ја подигнат самодовербата и да започнат да се чувствуваат добро во сопствената кожа“ - додава Спаркс.

„Цврсто се држам до своето убедување дека секоја жена може да изгледа одлично со добра поза, осветлување и средување од стилист. Овие фотографии го докажуваат токму тоа“ - вели таа.

„Ние им помагаме на жените да започнат да се гледаат во најдобро можно светло“ - заклучува Спаркс.

Н. Г. | Црнобело