Првиот бар во Јапонија кој е целосно изграден од рециклиран отпад
Додека документарецот на Леонардо ди Каприо за опасните климатски последици „Before the flood“, кружи низ интернетот, мало гратче во Јапонија освои награда за објект кој е целосно изграден од рециклиран отпад.
Целта е за неколку години да се постигне 100% рециклирање на отпадот во градот, а сега нивото е достигнато до 80%.
Покрај тоа што е изграден од рекултивирани материјали, зградата има и одличен дизајн.
Во зградата има бар, пивница, како и простории за живеење.
Сeкој елемент во неа укажува на повторна употреба на материјалите и отпадот, почнувајќи од рекултивирани подни плочки, па сѐ до лустери направени од шишиња.
Оваа зграда има неверојатен дизајн и изглед, што го прикажува рециклирањето не само како обврска, туку и како креативен начин на дизајнирање и уредување.
М. М. | Црнобело